download HolidaySmart 假期日常 app
10個你可能不知道的麥當勞冷知識! 甜酸醬上有編號?美國有麥當勞大學?!

10個你可能不知道的麥當勞冷知識! 甜酸醬上有編號?美國有麥當勞大學?!

生活熱話
By Stephanie on 31 May 2021
Digital Content Writer

外國快餐品牌「麥當勞」相信唔少人都有食過,分店遍佈全球,係大家都好熟悉嘅飲食品牌!最近,有位台灣網紅就拍攝影片講關於麥當勞嘅冷知識,唔知大家又知道幾多個呢?!

PinterestPhoto from Pinterest

台灣網紅「瞳恩Tung En」日前就喺YouTube上發佈一個有關麥當勞嘅影片,佢自己本身就曾經喺麥當勞工作咗大約4至5年,所以就等我哋同大家分享幾個大家可能唔知道嘅麥當勞冷知識~

麥當勞設有大學

據所周知,麥當勞係一間好注重管理嘅公司,為咗訓練每個部門都用同一種管理模式,以提升公司效率。大部份都係由店經理撰寫推甄,才有機會入學。根據網上資料顯示,第一間漢堡包大學(Hamburger University)位於芝加哥,喺1961年創校,至今已經培養咗至少8萬名經理、中階經理,同埋店長。

PinterestPhoto from Pinterest

麥當勞係最大玩具經銷商

麥當勞係全球最大嘅玩具經銷商,最愛購買玩具,透過購買兒童樂園餐送玩具俾小朋友。咁樣唔單止可以吸引年紀小嘅客人,仲可以透過玩具製造話題~根據2012年麥當勞所公佈嘅數據,兒童樂園餐嘅銷售數量已經超過30億咁多,亦代表隨餐附送嘅玩具都已經賣出咗超過15億嘅數目!

PinterestPhoto from Pinterest

麥當勞一開始係賣熱狗

麥當勞係由兩兄弟理查·麥當勞(Richard McDonald)同莫里斯·麥當勞(Maurice McDonald)所創立嘅,而佢哋一開始係靠賣熱狗起家。佢哋將名字改為「麥當勞燒烤」餐廳(McDonald's Bar-B-Que),可惜因為生意唔好,佢哋就改變食品種類,開始售賣唔同種類嘅快餐,最終非常成功!

PinterestPhoto from Pinterest

麥樂雞有專屬名稱

其實麥樂雞嘅形狀分為4種,而且每一件嘅重量都係一模一樣,而名字就以形狀起名:Bone(骨頭)、Ball (球)、 Bell(鐘形)同 Boot(靴子型)。據聞,麥樂雞嘅特別設計係為咗令小朋友更加享受用餐過程,而且4種麥樂雞就咁睇同「LOVE」差唔多,大家不妨可以試下用麥樂雞示愛~

麥當勞FBPhoto from 麥當勞FB

麥當勞FBPhoto from 麥當勞FB

甜酸醬上有編號

有唔少人都好鍾意麥當勞嘅甜酸醬,但原來甜酸醬嘅包裝上編號去分辨甜酸程度,而番茄醬同樣都有!編號排列係1-5,1號嘅比較酸;而5號嘅就相對比較甜,大家下次買嘅時候就可以留意下醬料嘅編號喇~

Youtube 瞳恩Tung EnPhoto from Youtube 瞳恩Tung En

員工點餐時間受限

麥當勞員工喺幫客人點單嘅時候,需要喺120秒內完成點單。而計時會喺員工按下點餐按鈕開始,時間一旦超過就會好麻煩,所以唔少資深嘅麥當勞員工都會聽完客人點餐先開始落單!

麥當勞廣告Photo from 麥當勞廣告

麥當勞櫃檯高度全部都一模一樣

因為經調查顯示,最適合俾客人俾錢嘅櫃檯高度係92cm,而麥當勞嘅櫃檯就一致咁整成91.5cm,等大人同小朋友都可以輕易取餐。

麥當勞廣告Photo from 麥當勞廣告

平均1/8嘅人曾經喺麥當勞工作過

麥當勞嘅分店非常多,亦創造咗唔少嘅就業機會俾大眾。有調查就顯示,全世界每8個人就有1個曾經喺麥當勞工作過,數字可以話係非常多!

PinterestPhoto from Pinterest

雪糕嘅定律

麥當勞嘅食物份量都係需要跟足規則而成嘅,軟雪糕新地筒係擠兩圈半嘅雪糕;麥旋風就係擠四圈半嘅雪糕。

PinterestPhoto from Pinterest

PinterestPhoto from Pinterest

飲料杯蓋嘅秘密

透明嘅飲料杯蓋上有幾個突出嘅小圓圈,而佢哋嘅作用就係為咗令員工可以快速咁分辨飲料嘅種類。除此之外,透明嘅杯蓋亦可以用咗杯墊,幫手集凍飲融化時嘅水滴。

YouTube YOZPhoto from YouTube YOZ

 YouTube YOZPhoto from YouTube YOZ

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel