【TVB明星運動會】崔建邦率領一班藝人練拳擊 積極準備迎戰 坤哥「我要打低晒公司所有人」

東京奧運開幕在即！政府早前就已經買下奧運會嘅播放權，多間電視台都可以一齊播放呢個體育聲盛事。最近，崔建邦就上載咗同一班藝人去拳擊練習場嘅照片，唔知道係為新節目做準備定預備參加TVB嘅明星運動會呢？！

Photo from 崔建邦IG

東京奧運將於7月23號開始舉行，而政府早前就對外宣佈表示已經買下奧運會嘅播放權利，所以多個電視台都可以直播賽事。而曾志偉就喺記者會上表示可能會派藝人去日本採訪，仲話希望可以舉辦一個明星運動會，從而帶動「全民運動」嘅風氣！

Photo from TVB娛樂新聞台

據悉，TVB已經籌備緊明星運動會呢個節目，唔少藝人都開始訓練身體，準備迎戰！日前，崔建邦就喺自己嘅IG上載咗同一班TVB藝人去拳擊場嘅照片，而照片中嘅佢就話「今日我將會陪大家實現夢想！」，負責帶領藝人們一齊去搵華師傅學習打拳。

Photo from 崔建邦IG

Photo from 崔建邦IG

由照片中所見，到場訓練嘅男孟希璘和李君妍藝人包括有吳業坤（坤哥）、謝東閔、潘梓鋒、鄒兆霆、羅孝勇等；而女藝人就有孟希璘同李君妍。崔建邦仲話佢哋練完嘅第二日，體力透支，所以佢就親自為佢哋刮痧，幾位藝人嘅背上都有好大嘅紅印，訓練似乎非常辛苦！

Photo from 崔建邦IG

Photo from 崔建邦IG

由藝人黃俊豪同埋孟希璘嘅IG caption所見，佢哋一班人應該正在為即將舉辦嘅明星運動會拳擊項目努力練習中，可見大家都好重視今次嘅運動會！

Photo from 黃俊豪IG

Photo from 孟希璘IG

而參賽者之一嘅吳業坤（坤哥）就好勇敢咁話向謝東閔挑機，表示自己學過空手道，「我要打低晒公司所有人，特別係謝東閔，因為佢太靚仔！」

Photo from 吳業坤FB

現年42歲嘅崔建邦非常喜歡打西洋拳，曾經拜拳擊總會榮譽主席徐家傑為師，試過出戰散打比賽錄得六連勝嘅成績，被大家稱為「散打王」！喺2017年，佢仲登上《E1 World Championship 2017》嘅擂台，同世界各地嘅拳擊手對戰，當時有唔少電視台高層同藝人都現身支持佢～

Photo from TVB

Photo from TVB

做作為拳擊愛好者嘅崔建邦，唔知佢今次係新節目所擔當嘅角色會係參賽者定導師呢？！

Photo from 崔建邦IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）