歷屆港姐泳衣大晒冷！一件頭都勁性感！楊思琦爆有專人望住佳麗著泳衣

新播出嘅《開心大綜藝》邀請咗港姐冠軍葉翠翠、陳曉華、黃嘉雯、劉倩婷、楊思琦、張名雅等回憶過往參選港姐嘅事，節目回顧咗歷屆港姐嘅泳衣，楊思琦更大爆會有工作人員跟埋佳麗入更衣室睇住佢哋著泳衣！

一年一度嘅《香港小姐競選》即將開始招募，今年仲請咗往年嘅港姐做導師。而《開心大綜藝》都搵埋歷屆冠軍上節目回憶參選心路歷程。

其中提到港姐必備嘅泳衣環節，更播出往年嘅參賽片段。早年嘅港姐泳衣都係一件頭多，但款式都各有不同。

1977、1979年嘅泳衣款式簡單；1988年「大美人」李嘉欣當選嗰屆雖然都係一件頭，但低胸加露背，唔係人人carry到；1989年陳法蓉嘅銀色泳衣都好蝦人著。

去到90年代，港姐泳衣款式更加多元化，佘詩曼嘅紅色泳衣盡顯好身材，而郭羨妮、胡杏兒嗰屆仍然係一件頭，但開衩到極高，非常性感。

到2000年後就係兩件頭同三點式為主，每屆亦有少少變化。

2004年徐子珊一屆後，港姐泳衣就多為三點式。

款色略有不同，以展示佳麗嘅身姿。

TVB

被問到會唔會喺泳衣到「加料」墊高，葉翠翠就指工作人員會明言係唔可以加任何嘢喺泳衣入面，而且出場前真係會檢查。

楊思琦大爆會有工作人員跟埋佳麗入更衣室，睇住佢哋著泳衣！佢哋表示過程好似考試咁，唔可以出貓：「唔可以加任何嘢。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）