download HolidaySmart 假期日常 app
TVB公佈3大電視台收視率!唔計重溫/網上/App直播!《ERROR自肥企画》竟無上榜?!

TVB公佈3大電視台收視率!唔計重溫/網上/App直播!《ERROR自肥企画》竟無上榜?!

電視電影 娛樂新聞
By Jennifer on 01 Jun 2021
Digital Editor

TVB近日公佈上周收視成績,更罕有一同公佈埋另外兩個免費電視台ViuTV、香港開電視嘅收視率!不過採用嘅係電視直播收視率,而非「7天跨平台總收視點」,更避開早一個星期完結嘅《ERROR自肥企画》。

TVB近日公佈上周收視成績,更罕有一同公佈埋另外兩個免費電視台ViuTV、香港開電視嘅收視率!

TVB大事大變動,搵咗「獎門人」曾志偉做副總經理、王祖藍擔任「首席創意官」,兩人上任以嚟實施唔少改革,不過都惹嚟唔少不滿,例如曾志偉喺藝員訓練班上明言會搞到好似《全民造星》咁,而且TVB YouTube平台亦屢次出現疑似抄襲,被指睇唔起ViuTV收視低但又照抄。

TVB大事大變動,搵咗「獎門人」曾志偉做副總經理、王祖藍擔任「首席創意官」

TVB YouTube平台亦屢次出現疑似抄襲,被指睇唔起ViuTV收視低但又照抄。

王祖藍就公開表示所有聲音佢哋都聽到,會盡量改進。

王祖藍就公開表示所有聲音佢哋都聽到,會盡量改進。

日前TVB公開咗三台(翡翠台、ViuTV、香港開電視)嘅收視數據,以往TVB僅公佈翡翠台嘅收視,當時有關部門解釋唔能夠代表其他台發放收視成績,而且向來採用「7天跨平台總收視點」,包括觀眾用網上平台等收睇嘅收視。

TVB公開咗三台(翡翠台、ViuTV、香港開電視)嘅收視數據,以往TVB僅公佈翡翠台嘅收視,當時有關部門解釋唔能夠代表其他台發放收視成績

由於數據繁多,因此統計時間較長,會一次過公佈上兩星期嘅收視率,但TVB今次一改往日作風,只公開一個星期嘅數據,唔止公佈埋另外兩台嘅節目收視,更只用電視直播收視率

TVB今次一改往日作風,唔止公佈埋另外兩台嘅節目收視,更只用電視直播收視率

TVB最高收視嘅係《愛回家之開心速遞》,電視直播平均收視為23.2,隨後嘅係《逆天寄案》(第16~20集),收視為23.1。

《愛回家之開心速遞》

《逆天寄案》

曾志偉、王祖藍上任後推出嘅節目《開心大綜藝》收視為17.6、喺網上口碑話題度都唔錯嘅《好聲好戲》則有15.3點。

《開心大綜藝》

《好聲好戲》

而ViuTV由金剛主持嘅《掃街達人》,收視為2.7點、上周播出嘅《中女唔易做》收視有2.3點、星期六播出嘅經典電影《英雄本色3 夕陽之歌》收視為4.7點,係全個星期最高。至於香港開電視全星期收視率最高嘅節目係《空間改造王》,有4.4點。

《掃街達人》

《中女唔易做》

由於收視率只統計上一個星期,而人氣、話題都爆燈嘅《ERROR自肥企画》因為喺再早一星期完結,所以TVB公佈嘅收視中未有《ERROR自肥企画》,另外亦無《晚吹》嘅收視。

《ERROR自肥企画》

《晚吹》

不過TVB公佈嘅收視率,即使喺網上口碑不佳嘅節目仍有高收視,有網友認為係「龍門任佢搬」:「TVB都幾好嘢,公我贏字你輸」,又指電視直播只係「慣性收視」:「係未就係個800個電視機頂盒呀」。

對於TVB公佈嘅收視率,有網友認為係「搬龍門」

之前ERROR成員193就直言收視點嗰幾百部電視機佢哋不嬲都唔介意,而曾志偉亦表示ViuTV嘅節目題材比較偏門,又僅得4點收視,只可以同J2台比較,今次一反常態,向公眾公開3大免費電視台收視,未知是否有鼓舞士氣嘅作用?

ERROR成員193曾直言收視點嗰幾百部電視機佢哋不嬲都唔介意

曾志偉亦表示ViuTV嘅節目題材比較偏門,又僅得4點收視,只可以同J2台比較

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel