download HolidaySmart 假期日常 app
張藝謀夫婦撐「三孩政策」曾因超生遭罰款911萬  網民:應該要去申請退款!

張藝謀夫婦撐「三孩政策」曾因超生遭罰款911萬 網民:應該要去申請退款!

娛樂新聞
By Stephanie on 01 Jun 2021
Digital Content Writer

日前,內地中共中央政治局宣佈推出「三孩生育政策」,藉此改善內地嘅人口結構。導演張藝謀太太陳婷就喺微博表示支持,已經生咗3個小朋友嘅佢話自己已經「提前完成任務」,唔少網民都留言表示「真係生不逢時」!

陳婷微博Photo from 陳婷微博

最近,內地中共中央政治局宣佈即將推出「三孩政策」,以改善現時內地嘅人口老化問題。除此之外,內地政府亦表示會推出一連串嘅對應措施,包括:完善生育休假、生育保險制度、住房政策等,再透過教育下一代結婚、生育嘅概念,以加強適婚青少年嘅結婚觀。

wei boPhoto from 新華社微博

公佈政策後,受到唔少內地網民嘅熱烈討論!導演張藝謀嘅太太陳婷就「走得好前」,早於2006年就已經成為三個小孩嘅媽媽。佢就喺微博表示支持政府推出嘅政策,仲話自己「提前完成任務」,導演張藝謀都有回應表示支持~

張藝謀微博Photo from 張藝謀微博

導演張藝謀同無錫舞蹈團舞蹈演員陳婷喺1991年開始拍拖,於2011年才登記結婚。兩人育有3個子女:2001年誕下大仔張壹男、2004年誕下二仔張壹丁、再於2006年生下細女張壹嬌,三個子女出世時兩人都並未結婚。

陳婷微博Photo from 陳婷微博

陳婷微博Photo from 陳婷微博

喺2013年,有內地傳媒就踢爆張藝謀「超生事件」,表示張藝謀同陳婷喺無錫育有三個仔女。由於內地喺2013年之前,一直維持「一孩政策」(少數民族、農業除外),違規嘅人將要按照年收入繳交罰款。後來,張藝謀承認已有三個孩子,並願意受罰,最終被罰人民幣$748萬(約港幣$911萬)!

陳婷微博Photo from 陳婷微博

陳婷微博Photo from 陳婷微博

佢哋嘅發言就再一次引起網民嘅關注,大部分網民都替張藝謀一家感到不值,留言「可以叫政府退款嗎?」、「生不逢時啊」等;但亦有網民認為佢哋只係趁而家推出政策嚟掩蓋當時「違規」嘅行為!

張藝謀微博Photo from 張藝謀微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel