日本東京「星之卡比」限定主題咖啡店 超可愛食物造型 融化少女心！

《星之卡比》係由日本遊戲公司任天堂(Nintendo)所創立嘅遊戲角色，可愛嘅造型成功吸引咗唔少女仔喜歡！最近，日本東京就開咗一間以《星之卡比》為限定主題嘅「Kirby Cafe」，以櫻花為主，推出一系列嘅餐點，非常可愛！雖然而家我哋唔可以飛去日本親身享受，但相信望住咁精美嘅食物，都可以令大家一飽眼福～

Photo from KirbyCafe網站

「夢之泉」High Tea Set  (2,948日圓)

佢嘅High Tea Set就提供鹹食同甜食，能夠一次過滿足大家兩樣都想食嘅心願！喺Tea set嘅下層就擺放咗鹹食，包括有雞蛋沙律牛角包同金槍魚牛角包、番茄湯；上層就會有由果凍同牛奶布丁所製成嘅「夢想之泉」、杏仁餅、水果塔同埋有星之卡比個樣嘅馬卡龍～

Photo from KirbyCafe網站

「星之卡比」壽司飯盒 （2,178日圓）

壽司飯盒絕對係餐單內必點嘅菜色！飯盒內有6種可愛造型嘅壽司，再加上裝飾用嘅櫻花，能夠充分嘅表達春天氣色。而飯盒亦係隨餐附送，圖案有幾款，不過就係隨機送出，有得食又有得帶走個飯盒，難怪佢係餐廳嘅主打菜色啦～

Photo from KirbyCafe網站

Photo from KirbyCafe網站

「星之卡比」漢堡餐 （1,408日圓）

可愛嘅星之卡漢堡包都係粉紅色，同埋印住星之卡比個樣，非常特別！餐點仲提供忌廉玉米湯、星星形狀嘅薯條同醃菜等，就對可以滿足到好餓嘅大家～

Photo from KirbyCafe網站

櫻桃拿鐵 (968日圓）

呢杯粉色嘅櫻桃拿鐵上面鋪上一層厚厚柔軟嘅cream，再喺面頭上用櫻花、小星星做裝飾，少女感滿分～多重口感層次，令客人一試難忘！

Photo from KirbyCafe網站

「星之卡比」雪糕Waffle （1,628日圓）

同星之卡比一樣粉紅色嘅草莓雪糕，配上熱騰騰新鮮出爐嘅Waffle同蜂蜜糖漿，係甜品控必定要食嘅甜品之一！

Photo from KirbyCafe網站

「星之卡比」Art Café au lait （2,187日圓）

呢款飲料有3種口味可以俾客人選擇，分別有咖啡牛奶、巧克力牛奶同草莓牛奶。客人亦可以自行選擇想要嘅「星之卡比」圖案，等享用飲品時都可以望住自己心愛嘅卡通～除此之外，裝飲料嘅杯同埋杯墊都係可以俾客人攞埋返屋企，真係好有紀念價值㗎！

Photo from KirbyCafe網站

Photo from KirbyCafe網站

咖啡廳除咗食物之外，都有「星之卡比」嘅精品售出㗎，等各位「星之卡比」嘅粉絲滿足完肚皮後，仲可以享受購物嘅樂趣～

「星之卡比」木製碗 （2,800日圓）

咖啡廳裡面當然唔少得售賣廚房用品啦～木製嘅碗上面仲刻咗戴住廚師帽嘅星之卡比，等大家可以更加 享受食嘢嘅過程！

Photo from KirbyCafe網站

「Kirby Cafe」系列文具

精品類嘅產品就緊係唔少得有埋印有「Kirby Cafe」嘅物品啦，如：文件夾、刺繍、貼紙、筆記本等，所有嘅產品都非常有紀念價值，係期間限定出售㗎！

Photo from KirbyCafe網站

Photo from KirbyCafe網站

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）