download HolidaySmart 假期日常 app
星野集團北海道「雲海平台」翻新!3層高新設施增設觀景台+Cafe

星野集團北海道「雲海平台」翻新!3層高新設施增設觀景台+Cafe

日韓旅遊
By Jennifer on 01 Jun 2021
Digital Editor

北海道星野TOMAMU度假村(星野リゾート トマム)嘅「雲海平台(雲海テラス)」嘅翻新工程預計今年內完成,屆時將新增一幢3層高新設施,內設觀景台、Cafe等,可以chill爆欣賞雲海美景!

北海道星野TOMAMU度假村(星野リゾート トマム)嘅「雲海平台(雲海テラス)」Photo from 雲海テラス

位於星野集團旗下度假村星野TOMAMU嘅雲海平台開業後,新增咗唔少設施供遊客打卡,共有6大觀賞雲海嘅設施。

星野集團旗下度假村星野TOMAMU嘅雲海平台開業後,新增咗唔少設施供遊客打卡Photo from 雲海テラス

1. Cloud Walk

喺雲海平台嘅步行道係距離雲海最近嘅一個展望台,行上去有如雲上漫步嘅體驗。

Cloud WalkPhoto from 雲海テラス

2. Sky Wedge

尖端嘅設計好似船頭咁,係打卡嘅好地方。

Sky WedgePhoto from 雲海テラス

3. Contour Bench

長椅畀遊客從唔同角度、高度欣賞變化無窮嘅雲海。

Contour BenchPhoto from 雲海テラス

4. Cloud Pool

設計成雲朵嘅大吊床,最高離地8米,體驗漂浮喺雲朵之上嘅感覺。

Cloud PoolPhoto from 雲海テラス

5. Cloud Bed

球型軟墊排列如同喺地上嘅雲,瞓喺雲上面賞雲海又係另一番感受。

Cloud BedPhoto from 雲海テラス

6. Cloud Bar

設有長約13米嘅吧檯與高3米嘅高腳椅,極高嘅位置可以將群山、雲海美景盡收眼底。

Cloud BarPhoto from 雲海テラス

除咗上述6項設施,新增設嘅設施位於海拔約1,000米高嘅纜車山頂站隔離,新設施樓高3層,每層都睇到雲海,朝早仲有機會欣賞埋日出添!

新增設嘅設施位於海拔約1,000米高嘅纜車山頂站隔離Photo from 雲海テラス

第一層有超大嘅觀景台延伸,可以近距離觀賞壯觀嘅雲海,旅客亦可於第三層居高臨下眺望群山美景同一望無際嘅白色雲海。

第一層有超大嘅觀景台延伸,可以近距離觀賞壯觀嘅雲海Photo from 星野リゾート

旅客亦可於第三層居高臨下眺望群山美景同一望無際嘅白色雲海。Photo from 星野リゾート

設施內仲有Cafe,將提供咖啡等輕食,梳打、咖啡都有軟綿綿嘅棉花糖雲朵,超夢幻!可以邊歎啡邊欣賞雲海。翻新工程預計會喺夏天完成,最快8月就會開放!

設施內仲有CafPhoto from 星野リゾート

Cafe將提供咖啡等輕食,梳打、咖啡都有軟綿綿嘅棉花糖雲朵,超夢幻Photo from 星野リゾート

星野リゾート トマム 雲海テラス

雲海纜車車費:1,900日圓(星野TOMAMU度假村住客可免費乘搭)

官方網站:雲海平台

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel