download HolidaySmart 假期日常 app
佘詩曼大晒童年照被網民大讚可愛! 盤點5位由細靚到大嘅女藝人

佘詩曼大晒童年照被網民大讚可愛! 盤點5位由細靚到大嘅女藝人

娛樂新聞
By Stephanie on 01 Jun 2021
Digital Content Writer

佘詩曼早前剛剛過咗佢嘅46歲生日,俾網民大讚佢keep得非常好!日前,佢就上載咗自己童年時嘅照片,唔少網民都大讚佢小時候已經好靚!其實都有唔少名人都被稱讚由細靚到大㗎,等我哋一齊睇下有邊幾位啦~

李佳芯FBPhoto from 李佳芯FB

現年46歲嘅佘詩曼於1997年參選香港小姐獲得季軍而入行,曾於多部電視劇中擔正做女主角,被網民稱為TVB輝煌時嘅最後一位「一姐」!自離開TVB後,佢就將事業重心放喺內地。早前,佢就剛剛過咗佢嘅46歲生日,仲因為經理人同粉絲為佢預備嘅驚喜生日派對而感動爆喊。

佘詩曼微博Photo from 佘詩曼微博

佘詩曼微博Photo from 佘詩曼微博

適逢國際兒童節(6月1日),佘詩曼就上載咗幾張童年時期嘅照片,自嘲「究竟我媽餵我食咩,搞到塊面咁圓」。由照片中所見,佢小時候係留齊瀏海嘅髮型,綁起頭髮顯得面圓圓,眼仔碌碌,十分得意!

佘詩曼微博Photo from 佘詩曼微博

佘詩曼微博Photo from 佘詩曼微博

唔少網民睇到童年照片後,都大讚佘詩曼小時候非常可愛,眼大大同而家差唔多,留言話「由細到大都係一位靚女」!

佘詩曼微博Photo from 佘詩曼微博

佘詩曼微博Photo from 佘詩曼微博

其實圈中都有唔少女明星自細細個就好靚,天生麗質,而家就一齊睇下有邊幾位啦~

唐寧

唐寧細細個就已經樣貌標緻,8歲嘅時候經朋友介紹下成為童星,開始接拍廣告同埋電視劇。直到而家39歲,佢嘅樣貌都冇太大嘅變化,被唔少網民大讚係凍齡美女!

唐寧IGPhoto from 唐寧IG

唐寧IGPhoto from 唐寧IG

張柏芝

現年41歲嘅張柏芝遺傳咗媽媽嘅1/4英國血統,輪廓非常深,十分有氣質。佢嘅五官同外貌同現在冇咩差別,又難怪到而家都有好多網民稱佢為「女神」嘅~

張柏芝微博Photo from 張柏芝微博

張柏芝微博Photo from 張柏芝微博

馬黎珈而(原名:黎姿)

現時49歲嘅黎姿14歲嘅時候就入行,樣貌清秀嘅佢一直都好有觀眾緣,當時宣佈全面退出娛樂圈時,唔少網民都表示可惜!直到而家,佢依然十分有氣質,隨住年齡增加變得更加有女人味~

微博Photo from 微博

黎姿IGPhoto from 黎姿IG

李佳芯

李佳芯近年憑著出色嘅演技備受網民關注,清秀嘅五官令唔少網民封佢為「女神」!中學時期嘅佢,就已經好靚,眼大大,留一把長直髮,相信當時應該都係學校受歡迎嘅校人物~

微博Photo from 微博

李佳芯IGPhoto from 李佳芯IG

劉佩玥

由劉佩玥中學時期嘅照片,就可以睇得出佢以前就已經幾靚女,同而家一樣面依然肉肉的,睇嚟baby fat係唔少女士嘅「敵人」!

 Photo from 劉佩玥IG

劉佩玥IGPhoto from 劉佩玥IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel