download HolidaySmart 假期日常 app
「東張女神」林泳淘老公真容曝光!係拍拖14年初戀男友!網友指激似MIRROR成員

「東張女神」林泳淘老公真容曝光!係拍拖14年初戀男友!網友指激似MIRROR成員

娛樂新聞
By Jennifer on 02 Jun 2021
Digital Editor

前《東張西望》女主持林泳淘2019年被TVB提早解約,之後佢有參與拍攝ViuTV嘅劇集。5月底佢與初戀男友林卓立結婚,日前婚禮照公開,林泳淘嘅老公真容曝光,被網友指好似MIRROR一位成員!

前《東張西望》女主持林泳淘Photo from TVB

「東張女神」林泳淘2012年參選香港小姐入行,之後獲派去《東張西望》做主持。不過疑因呼籲市民參加遊行被「雪藏」2個月。

「東張女神」林泳淘2012年參選香港小姐入行,之後獲派去《東張西望》做主持Photo from 林泳淘IG

之後雖然獲「解凍」,但就喺合約仲有約一年嘅情況下被提前解約,而林泳淘當時都表示好突然,收到通知後第2日就已經係Last day。

林泳淘之後雖然獲「解凍」,但就喺合約仲有約一年嘅情況下被提前解約Photo from TVB

早前佢上歐錦棠嘅節目做訪問,就直言做《東張西望》節目組準備好嘅問題有啲太過火,尤其係娛樂,更試過打上去嘈:「我話真係太Harsh問唔出口,寫稿同事就話唔得㗎!一定要問㗎!上面高層話要問㗎!」,林泳淘表示記憶中最Harsh嘅問題係類似對方鬧離婚,要用好八婆嘅口吻去問人哋「係咪好似傳聞咁講你有第2個呀?」,坦言:「覺得好似喺人哋痛處上灑鹽。」

林泳淘上歐錦棠嘅節目做訪問,就直言做《東張西望》節目組準備好嘅問題有啲太過火Photo from 林泳淘IG

離開TVB後林泳淘就指會轉做KOL、活動司儀等,喺呢兩年佢亦有為ViuTV拍劇。5月底,林泳淘與初戀男友結束14年愛情長跑,結為夫婦。雖然林泳淘一直未有公開老公真容,但佢日前喺IG晒出婚禮嘅溫馨照片,首度曝光老公真樣!

5月底,林泳淘與初戀男友結束14年愛情長跑,結為夫婦Photo from 林泳淘IG

雖然林泳淘一直未有公開老公真容,但佢日前喺IG晒出婚禮嘅溫馨照片,首度曝光老公真樣!Photo from 林泳淘IG

林泳淘首度公開老公,有唔少網友大讚佢靚仔!亦有網友表示:「sorry 我第一眼以為係林日曦」,令林泳淘哭笑不得:「hahahaha!!咩料呀你哋」,亦有網友指:「第二張相我以為係mirror個alton」

林泳淘首度公開老公,有唔少網友大讚佢靚仔!Photo from 林泳淘IG

林泳淘IGPhoto from 林泳淘IG

有網友表示:「sorry 我第一眼以為係林日曦」Photo from 林日曦IG

有網友指:「第二張相我以為係mirror個alton」Photo from Alton IG

令林泳淘哭笑不得:「hahahaha!!咩料呀你哋」Photo from 林泳淘IG

林泳淘亦分享兩人結婚嘅原因,指因為佢同老公曾輪流出意外,於是就一齊去還神,師傅見到佢哋個八字就話:「你兩個人真係天作之合,個八字咁夾嘅,有無諗住結婚呀?」,佢老公好爽快咁話:「有呀!」,事後林泳淘先知原來老公之前已經訂好咗戒指,只係疫情關係一直卡住喺外國成年幾都未寄到返香港。

林泳淘亦分享兩人結婚嘅原因Photo from 林泳淘IG

而師傅為佢哋擇咗兩個吉日,其中一個咁啱就係佢哋嘅拍拖紀念日。而疫情下佢哋決定喺屋企搞一個溫馨小派對簽紙成為夫婦,一向係愛貓之人嘅林泳淘更開心表示愛貓奧奧當天有陪佢出嫁:「因為咁亦成功令奧奧參與到媽媽嘅婚禮,呢個小小嘅派對,有我哋嘅家人,有我哋嘅朋友,仲有我最愛嘅寶貝,一切實在太完美啦」

疫情下佢哋決定喺屋企搞一個溫馨小派對簽紙成為夫婦,一向係愛貓之人嘅林泳淘更開心表示愛貓奧奧當天有陪佢出嫁Photo from 林泳淘IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel