蔡嘉欣裝修蝸居懶理家姐意見,盡現霸道一面!寸爆:邊個畀錢邊個話事!

蔡嘉欣裝修蝸居懶理家姐意見,盡現霸道一面!寸爆:邊個畀錢邊個話事!

娛樂新聞
By Celia on 02 Jun 2021
Digital Editor

落選港姐蔡嘉欣(Kayan)出晒名拜金,不時都會喺社交網中大晒富貴生活,而繼早前佢就因家中養嘅兩隻茶杯貴婦狗嘅來歷惹網友懷疑後,近日佢就喺 YouTube 上咗一段自家 home tour 嘅片,帶大家睇佢親手創造嘅蝸居。

kayan c/YTPhoto from kayan c/YT

喺 2020 年 7 月時蔡嘉欣就曾喺 YouTube 上傳自己同家組依間蝸居嘅 Room Tour,但經過 1 年時間後,依間蝸居已經大翻新,仲設計成溫馨嘅小蝸居。

Photo from kayan c/YT

日前蔡嘉欣喺 YouTube 上載一條名為「蔡嘉欣2021 home tour .自己設計的溫馨木系小蝸居」嘅片,片中佢指自己花咗唔少心思去設計新屋,而依間屋正正就係佢同家姐 Nicole 嘅安樂窩。

Photo from kayan c/YT

Photo from kayan c/YT

佢曾經喺 TVB 節目中指做藝人收入唔穩定,所以喺買樓過壓力測試時好難過,但當時佢就被網友寸指:「你啲手袋夠畀首期。」,不過去年佢就年成功上車,佢指全屋嘅家俱都係佢親身設計,一共用咗十幾萬嚟裝修。

Photo from kayan c/YT

片中蔡嘉欣嘅蝸唔大,今次就介紹咗客廳、廚房同廁所,客廳以溫馨木系風格為主,傢俱與廚櫃等都是木色同白色,十分簡約,蔡嘉欣指:「我自己搵傢俱訂製公司,自己畫圖設計一啲傢俱出嚟。」並指新居多咗好多儲物空間,兩姊妹雖然有好多嘢,但睇起嚟都好整齊,明顯花咗唔少時間清潔。

Photo from kayan c/YT

廣告
廣告

而廚房同廁所雖然唔係好大,但佢都有好好善用收納空間,所以睇起嚟都唔會話擺滿好多嘢,畀人感覺好整齊同舒服。

Photo from kayan c/YT

另外,喺片中平日牙尖嘴利嘅蔡嘉欣,亦保持一貫作風,對住親家姐都冇面畀,當佢談到自己點親手畫圖設計時,家姐 Nicole 就指自己都有畀意見,但佢就寸爆話:「邊個畀錢邊個話事!」直指家姐嘅意見完全唔使理會。

Photo from kayan c/YT

唔少網友就留言大讚蔡嘉欣嘅設計唔錯:「淡色的木紋傢俬確實增添和諧感覺,我最喜歡實用的係那張摺檯和擺放爐具的層架。」、「Kayan可以轉埋行做室內設計,期待下一條片!」更有網友喺佢片中見到好物後留言問喺邊度買添!

Photo from kayan c/YT

Photo from kayan c/YT

唔知蔡嘉欣有冇諗過如果唔做娛樂圈,會轉行做室內設計師呢?

Home Tour影片重溫:

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel