【打卡/放空/減壓好去處】本地城市遊 — 維港海濱新玩法!設計#香港地帶你感受香港或被忽略嘅一面!

【打卡/放空/減壓好去處】本地城市遊 — 維港海濱新玩法!設計#香港地帶你感受香港或被忽略嘅一面!

香港好去處 香港展覽
By karen.ko on 03 Jun 2021
Digital Editor

疫情之下冇得去旅行,大家都會想盡辦法喺香港瓹窿瓹罅搵啲新奇嘢玩!除咗郊遊之外,有冇諗過城市遊都可以好難忘呢?小編最近就率先試下用嶄新嘅方式探索維港海濱,喺銅鑼灣避風塘海濱出發,再行經灣仔海濱長廊同中西區海濱長廊,最後去到中環海濱活動空間,睇下展覽之餘,仲可以發現好多走漏眼嘅「維港蛻變」城市空間!大家一定要Mark實「#ddHK 設計#香港地」創意旅遊項目全新設計展覽「維港蛻變」嘅幾個必到Check Points!當中包括享譽國際嘅動態懸空雕塑「Skynet Art Series」香港版 — 《川流不熄》!小編仲有幸訪問Poetic Kinetics嘅代表?!等小編立即為大家逐一介紹啦!
 
#用別開生面嘅視角探索香港!打卡/放空/減壓好去處!

Photo from HolidaySmart

由旅遊事務署呈獻、香港設計中心主辦,設計#香港地已嚟到最後一個項目啦!呢個壓軸項目以「蛻變」為主題,以中式園林嘅山石、亭台、池、門窗、青磚黛瓦同自然流水等,以及大坑舞火龍文化嘅元素策展,從高空俯瞰嘅話,會驚覺展覽作品排列成好似火龍吐珠,融入灣仔至中環陸續開放嘅海濱空間之中,仲加強咗維多利亞港同海濱長廊嘅旅遊特色,等大家可以展開一個充滿詩意同節奏嘅感官旅程!嚟緊6月5日就開始陸續展出多組設計裝置,各具特色,依家等我哋率先介紹其中5組,各位絕對唔可以錯過!

 

#【重點推介】80米空中之河!《川流不熄》@中環海濱活動空間

Photo from HolidaySmart

來自美國知名設計工作室Poetic Kinetics嘅藝術家Patrick Shearn最為人熟悉就係「Skynet Art Series」,靈感源自鳥群同魚群移動時嘅形態;Patrick通常會研究展覽場地嘅風速、風向同相關嘅歷史,仲會考慮點樣善用當地嘅基建同風嘅動能(Kinetic Energy),展現作品最生動嘅一面。而今次佢就以維港作靈感創作咗《川流不熄》,雖然因為疫情關係嚟唔到香港實地考察同安裝作品,但Patrick仍透過網上資源研究位置嚟進行設計,並同香港設計團隊隔空合作,創造最具活力嘅《川流不熄》。

Photo from HolidaySmart

呢個巨型雕塑由超過45,000條色帶組成,面積達700平方米㗎!喺倚傍維港同港島北嘅繁榮景致晝夜隨風飄揚,真係超吸引!Patrick表示:「中間嘅反光帶代表住一條河道,就好似維港咁,既係天然邊界,又連接住不同嘅地點。流水就好似孕育住無限生機,環抱香港,同時貫穿歷史,聯繫世世代代,並跨越時間空間,將世界不同部分聯繫起來。」Patrick又提到疫情令佢領悟同大自然聯繫嘅重要性,置身《川流不熄》之中,我哋可以喺空曠嘅環境中享受平靜,感受下自然界嘅力量。

Photo from HolidaySmart

如果想影靚相,設計#香港地策展團隊建議大家一係用會展做背景,一係用IFC同摩天輪做背景,就可以將動與靜二合為一啦!

Photo from HolidaySmart

 

Photo from HolidaySmart

委約藝術家:Patrick Shearn of Poetic Kinetics

展出期:6月5-15日

入場時間:1pm-10pm(9:30pm最後入場)

 

#錯過會後悔嘅4個裝置~無顧慮感受新海濱!

《首》@銅鑼灣避風塘海濱

Photo from HolidaySmart

Photo from HolidaySmart

Photo from HolidaySmart

Photo from HolidaySmart

首席創意伙伴:一口設計工作室

展出期:6月5-20日

作品特色:以高低錯落嘅#ddHK字體創作成設計裝置,形狀意取水中嘅假山石。作品嘅龍首設計與大坑舞火龍傳統中在避風塘舉行嘅「龍歸滄海」 — 將火龍送入海中嘅結尾儀式大有淵源。龍首由大坑坊眾福利會親自監製,手工極為講究,以珍珠草紮成龍首並插上火紅嘅長壽香,寄託美好期許,仲同「維港蛻變」展覽結尾嘅委約作品《川流不熄》首尾呼應。同時加入咗畫龍點睛嘅設計,寓意喺「疫境」中祝福呢片「香港地」。

 

《#一齊一個人》@銅鑼灣避風塘海濱

Photo from HolidaySmart

 

Photo from HolidaySmart

首席創意伙伴:一口設計工作室 

展出期:6月5-20日

作品特色:一系列傘狀公共家具猶如「亭台」,每件家具都能帶來唔同嘅活動體驗,由靜靜嘅一個人坐,到一個人玩氹氹轉、音樂亭,任君選擇,呢啲表面似 「一個人」但其實係「一齊」嘅坐位,等大家喺疫情仲未完全結束嘅時候,仍可以無顧慮咁重新享用公共設施,度過不平凡嘅「一個人的時光」。

 

《聲之穹蒼》@灣仔海濱長廊水上運動及康樂主題區

Photo from HolidaySmart

 

Photo from HolidaySmart

Photo from HolidaySmart

Photo from HolidaySmart

創意伙伴:雅卓創意 × ENESS

展出期:6月5-20日

作品特色:12道充氣「門窗」內置多色LED燈同擴音器,每個高4.5米、闊3米,喺呢組互動設計裝置嘅拱門下漫步,就會聽到喺香港唔同角落中收集到嘅聲音,喺燈光同音效嘅互動下,大家會更感受到灣仔嘅活力。

 

《維港放小息》@中西區海濱長廊(靠近添馬公園)

創意伙伴:納設計及建築事務所

展出期:6月5-20日

作品特色:將大家耳熟能詳嘅遊戲增添全新玩法,透過多場有關公園空間設計研究工作坊,帶領長幼兩代參加者重新思考同設計出5組地面「青磚黛瓦」式遊戲圖案,變成「猜飛機」、「格仔紅綠燈」同「康樂『企』」等,啟發大家嘅創意。

 

#【即將揭幕】:「池」與自然山水嘅美態~

 

仲有其他設計裝置將於6月中登場,大家要密切留意官方網站Facebook專頁呀!

 

Text: HolidaySmart editorial
Photo: HolidaySmart
Featured for: Hong Kong Design Centre

 

*本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel