《逆天奇案》馮盈盈被指演技浮誇，作狀英文口音扮鬼妹仔？網民：Over 咗！

By Celia on 04 Jun 2021

Digital Editor

正在熱播嘅 TVB 劇《逆天奇案》近幾集講到眾人合力調查「殺虎案」，而喺最新一集中飾演 Ana 嘅馮盈盈成功埋魏豐集團副主席（陳少邦飾）身邊，成為其私人助理並加入目標公司暗中調查。而因為依套劇係喺香港同馬來西亞正同步播放，所以劇中唔少演員都用配音，但就喺今集中馮盈盈嘅其中一句對白令唔少馬來西亞觀眾感困惑，唔少人更直指聽唔明！

Photo from TVB

雖然依套劇嘅男女主角係陳展鵬同林夏薇，但早前就有指身為「女二」馮盈盈似乎比林夏薇更加搶鏡。

Photo from TVB

而近日嘅劇情就主要圍繞「殺虎案」，Ana（馮盈盈飾）為咗調查「殺虎案」真相而去魏豐集團打工，更成為細魏生（陳少邦飾）嘅私人助理，利用自己嘅黑客技術查看公司機密檔案，更查出戴查爾曾任僱傭兵，但原來Ana查到嘅一切都係魏子樂（張頴康飾）同埋尤麗（劉佩玥飾）安排。

Photo from TVB

而一集約 43 分鐘嘅劇，馮盈盈就估咗多達 30 分鐘，令佢有更多嘅發揮空間，可會有網民認為佢嘅演技較浮誇、作狀及反應太假演技有待改善：「太假啦啲反應」、「好小學雞戲」等；但亦有網民讚她演技有進步，力撐她演技浮誇只是劇情需要。

Photo from TVB

同時，亦有網民認為佢咬字唔清晰、講廣東話唔正、講英文尾音造作地大聲、配音同嘴型又唔同步等等：「廣東話講唔正，但英文啲尾音又造作地大聲。（Dele“te”）」、「配音嗰啲全部都唔sync咀（嘴型不同步）嘅」。

Photo from TVB

另外，有網民更指佢有啲字眼令觀眾聽唔明，例如「想當年我一個人行走『漿』湖」, 有網民就懷疑自己係唔係聽錯，更質疑她講錯。

Photo from TVB

不過有香港嘅網民就力撐幫佢解話，指劇中嘅 Ana 係喺南美長大，中文唔好都正常，而佢將「江湖」講成「漿湖」就應該係專登嘅，並指依個講法喺好多年前已經流行：「行走江湖講成行走漿湖呢個說法好多年前已經流行，所以FYY唔係講錯嘢。即係英雄所見略同講成英雄所見樂瞳、一理通百理明講成一理通馬國明」、「講盈盈在南美長大……中文不靈光，貼地呀！」