《逆天奇案》馮盈盈被指演技浮誇,作狀英文口音扮鬼妹仔?網民:Over 咗!

《逆天奇案》馮盈盈被指演技浮誇,作狀英文口音扮鬼妹仔?網民:Over 咗!

電視電影 娛樂新聞
ByCelia on 04 Jun 2021

正在熱播嘅 TVB 劇《逆天奇案》近幾集講到眾人合力調查「殺虎案」,而喺最新一集中飾演 Ana 嘅馮盈盈成功埋魏豐集團副主席(陳少邦飾)身邊,成為其私人助理並加入目標公司暗中調查。而因為依套劇係喺香港同馬來西亞正同步播放,所以劇中唔少演員都用配音,但就喺今集中馮盈盈嘅其中一句對白令唔少馬來西亞觀眾感困惑,唔少人更直指聽唔明!

Photo from TVB

Photo from TVB

雖然依套劇嘅男女主角係陳展鵬同林夏薇,但早前就有指身為「女二」馮盈盈似乎比林夏薇更加搶鏡。

Photo from TVB

而近日嘅劇情就主要圍繞「殺虎案」,Ana(馮盈盈飾)為咗調查「殺虎案」真相而去魏豐集團打工,更成為細魏生(陳少邦飾)嘅私人助理,利用自己嘅黑客技術查看公司機密檔案,更查出戴查爾曾任僱傭兵,但原來Ana查到嘅一切都係魏子樂(張頴康飾)同埋尤麗(劉佩玥飾)安排。

Photo from TVB

而一集約 43 分鐘嘅劇,馮盈盈就估咗多達 30 分鐘,令佢有更多嘅發揮空間,可會有網民認為佢嘅演技較浮誇、作狀及反應太假演技有待改善:「太假啦啲反應」、「好小學雞戲」等;但亦有網民讚她演技有進步,力撐她演技浮誇只是劇情需要。

Photo from TVB

廣告
廣告

同時,亦有網民認為佢咬字唔清晰、講廣東話唔正、講英文尾音造作地大聲、配音同嘴型又唔同步等等:「廣東話講唔正,但英文啲尾音又造作地大聲。(Dele“te”)」、「配音嗰啲全部都唔sync咀(嘴型不同步)嘅」。

Photo from TVB

Photo from TVB

另外,有網民更指佢有啲字眼令觀眾聽唔明,例如「想當年我一個人行走『漿』湖」, 有網民就懷疑自己係唔係聽錯,更質疑她講錯。

Photo from TVB

不過有香港嘅網民就力撐幫佢解話,指劇中嘅 Ana 係喺南美長大,中文唔好都正常,而佢將「江湖」講成「漿湖」就應該係專登嘅,並指依個講法喺好多年前已經流行:「行走江湖講成行走漿湖呢個說法好多年前已經流行,所以FYY唔係講錯嘢。即係英雄所見略同講成英雄所見樂瞳、一理通百理明講成一理通馬國明」、「講盈盈在南美長大……中文不靈光,貼地呀!」

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk

馮盈盈

Share to Facebook