毒男苦惱詢問初次約會穿搭建議  網友列出5大女生最不喜歡的打扮!

毒男苦惱詢問初次約會穿搭建議 網友列出5大女生最不喜歡的打扮!

生活熱話
By Stephanie on 04 Jun 2021
Digital Content Writer

唔少人都非常注重喺心儀對象面前嘅初印象,而其中穿搭就非常重要喇!日前,有港男就喺討論區詢問網民關於穿搭嘅意見,表示自己第一次同該名女生出街,非常緊張。而家就等我哋盤點一下大部份女生討厭嘅男生穿搭,等大家可以成功避開「地雷」啦~

區永權IGPhoto from 區永權IG

最近,有位港男喺連登討論區出post詢問網民意見,表示自己將會同女生第一次出街,但就好苦惱衣著嘅問題。佢話自己屋企只係得純色Tee同黑色長褲,平時唔太會出街,所以唔知點算好!好多網民都比咗唔同嘅意見佢,希望呢位港男最後成功俾到好印象心儀對象啦~

連登討論區Photo from 連登討論區

TVBPhoto from TVB

成日都聽人哋介紹穿搭,但好似比較少會講到女生討厭嘅男生穿搭!而家就等我哋一齊盤點下大部份女仔唔理解嘅男生穿搭啦~

低腰闊腳褲

唔少男士可能會認為穿著低腰褲,非常時尚舒服。但其實大多數嘅女生都認為低腰褲只會令男士嘅身材比例變得更差,導致自己變成55身,令腿看起來更加短!而且,穿著呢種褲會俾人一種慵懶感,可能會令女生覺得你唔重視約會,所以唔太適合第一次約會嘅時候穿著。

PinterestPhoto from Pinterest

余文樂FBPhoto from 余文樂FB

過多花紋

部份男生可能會想一改以前單調嘅風格,而選擇唔同嘅花紋圖案去約會。但選擇花紋嘅圖案,其實係非常大嘅學問。如果圖案花紋過份凌亂花俏,好容易就會喺街上成為眾人嘅焦點,一齊出街嘅女生就更加覺得尷尬喇!

連登討論區Photo from 連登討論區

TVBPhoto from TVB

廣告
廣告

將衣領豎起

有男生因為仿效電視劇嘅男主角穿著,而開始認為將衣領豎起係非常新潮嘅象徵。但其實大部份嘅女生都唔係太理解呢個穿搭,認為咁樣令條頸嘅比例睇落更短,甚至可能會誤會你連穿好衣服嘅能力都冇!

《杉杉來了》Photo from 《杉杉來了》

《奮鬥》Photo from 《奮鬥》

同色系運動套裝

而家好多運動品牌都會出售整套嘅運動套裝,唔少男生都因為覺得好方便又新潮而購買。不過顏色太過鮮豔嘅運動套裝,反而會令女生覺得好似行走中嘅螢光筆!再加上,如果男生嘅膚色本來就比較黑嘅話,就會更容易顯得老土。

王嘉爾微博Photo from 王嘉爾微博

微博Photo from 微博

皮褲

無論對於男生定女生嚟講,皮褲都係非常難著得好睇嘅服裝。唔少女生都認為太瘦嘅男生穿著緊身嘅皮褲,會顯得比較女性化;而比較胖嘅男生穿又會顯肥!

微博Photo from 微博

PinterestPhoto from Pinterest

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel