陳偉霆近年已將事業重心移往內地，亦喺當地獲得高人氣，綜藝戲劇一套接一套。佢之前同內地女星古力娜扎拍攝電視劇《風暴舞》，當中佢飾演「青靚白淨」嘅超級特工。但最近佢為新片轉形象，於出席品牌活動時曝光新造型，佢黑咗又瘦咗，加上一頭平頭裝，網民話佢判若兩人。

Photo from 陳偉霆 微博

對內地網民嚟講，陳偉霆於近年已經成為入屋小生，佢嘅一舉一動同造型都備受網民關注，有超過4000萬人追蹤佢嘅微博。

Photo from 陳偉霆 微博

四月時，佢突然喺微博上載一張染咗螢光橙髮嘅自拍照，引起網民關注，仲因此一度登上微博熱搜排行榜（#陳偉霆橙色頭髮#），唔少內地網民認為得陳偉霆嘅高顏值同自信先能夠carry如此出位嘅髮色。

Photo from 陳偉霆 微博

估唔到陳偉咁快又「變髮」，近日，佢以嘉賓身份出席一品牌活動時，身穿黑白菱形格仔紋外套配背心皮褸、黑色T恤、及多條粗銀鏈現身。髮型方面，佢由「小太陽」變成黑髮平頭裝。

Photo from 陳偉霆 微博

Photo from 陳偉霆 微博

除此以外，佢膚色亦成熱話。陳偉霆早前喺電視劇《風暴舞》中以「高帥白」特工亮相，今次，佢被指膚色黝黑不少，令氣質下降。有部分網民認為佢由少爺仔特工瞬間變成保安。

Photo from 陳偉霆 微博

Photo from 陳偉霆 微博

配搭方面，唔知係咪被髮型影響，整身造型都被指有土味，有網民認為雖然陳偉霆身穿名牌首飾，卻穿不出時尚味道，反而較似一名身穿A貨潮牌嘅農工多啲。

Photo from 陳偉霆 微博

Photo from 陳偉霆 微博

不過，仍然有唔少粉絲認為陳偉霆就算由白變黑都一樣咁型，更指古銅膚色更顯男子氣概！而陳偉霆本人對膚色亦有自覺，喺早前嘅微博帖文中寫道：「是的，我又曬黑了。」

Photo from 陳偉霆 微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳偉霆染橙色頭髮被內地網民激讚「大帥哥」！ 香港網民：唔識欣賞？

16 Apr 2021

陳偉霆呢幾年都已經將自己嘅事業發展轉去內地，而且喺內地亦擁有頗高嘅人氣。最近，佢就喺微博上載咗一張自己新髮色嘅照片，令內地網民紛紛大讚靚仔！而特別嘅顏色亦令我哋諗起佢曾經大膽染過嘅髮色～

Photo from 陳偉霆IG

陳偉霆因為拍攝內地電視劇《古劍奇譚》而火速爆紅，仲因此而成為咗內地嘅一線男明星，人氣急升，超過4000萬人追蹤佢嘅微博。

Photo from 陳偉霆IG

Photo from 陳偉霆IG

近日，陳偉霆就喺微博上載咗一張自己新染頭髮嘅自拍照。只見佢染咗一頭非常搶眼嘅橙色，仲喺caption自己打「小太陽」，睇嚟佢好似好滿意自己嘅新髮色～

Photo from 陳偉霆微博

Photo from 陳偉霆微博

內地嘅網民一睇到呢幾張照片都大讚佢顏值夠高先carry到呢種髮色，仲因此而登上咗微博嘅熱搜排行榜 （#陳偉霆橙色頭髮#）。

Photo from 陳偉霆微博

Photo from 陳偉霆微博

其實陳偉霆之前就試過染過好多唔同嘅髮色，大家講得出嘅顏色都應該喺佢頭上出現過，有粉紅色﹑藍色﹑紫色﹑金色﹑藍綠色﹑灰白色等嘅髮型。

Photo from 微博

Photo from 微博

無論佢染咗咩髮色，佢嘅內地fans都覺得佢係完美咁駕馭呢啲髮色，毫無違和感，話佢係受到認證嘅「大帥哥」。

Photo from 陳偉霆微博

Photo from 陳偉霆微博

但講到陳偉霆，大家一定都忘記唔到佢參加英皇新秀時候嘅精彩表演！但亦有網民覺得佢而家嘅樣貌同剛出道嘅時候嘅佢，變化都算幾大。唔知大家有覺得佢變化大唔大呢？

Photo from TVB

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳偉霆滑雪場影女仔被對方男友發現！質問後要求佢當面刪除片段

5 Feb , 2021

陳偉霆（William）近年轉往內地發展，更創立個人品牌，事業相當順利。日前佢自爆曾經喺滑雪場跟喺一位女生後面拍片，點知畀對方男友發現，要佢即時刪返條片！

Photo from 陳偉霆微博

陳偉霆除咗有拍劇之外，亦有出演大陸綜藝《潮流合伙人2》，晉升為「潮人」嘅佢更創立個人品牌，經常喺微博穿自家品牌服裝宣傳。

Photo from 陳偉霆微博

佢日前自爆曾經試過喺滑雪場見到有女仔著咗佢個人品牌嘅衫，於是就跟喺對方後面拍片，打算之後喺微博多謝佢。

Photo from 微博

點知竟然被人哋男朋友發現咗，更即時質問陳偉霆：「你在幹嘛呢？」、「你為甚麼要拍我的女朋友？」

Photo from 微博

陳偉霆即刻解釋，佢覺得件衫幾好睇所以影底，唔係特登偷拍佢女朋友。

Photo from 微博

但對方男朋友表示：「衣服不是那個陳偉霆的那個品牌嗎？我也有啊，你為甚麼要拍她？」由於陳偉霆當時戴住頭盔，人哋認唔到佢，於是佢就畀咗部手機個男朋友睇，仲當場刪咗條片。

Photo from 微博

Photo from 陳偉霆微博

Photo from 微博

講完之後佢陳偉霆都忍唔住笑，「陳偉霆拍女生被對方男友要求刪除」隨後登上熱搜，據知女方係陳偉霆嘅fans，更係專登抽籤買William品牌嘅衫。

Photo from 陳偉霆微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）