黃子韜超豪娛樂公司總部曝光！承繼逾百億遺產　曾瘋狂炫富大晒私人飛機/名錶/跑車

娛樂新聞

By Celia on 07 Jun 2021

Digital Editor

韓國男團 EXO 前成員黃子韜（Tao）自去年 9 月富爸爸黃忠東離世後，留下逾 200 億人民幣（約240億港元）遺產畀黃子韜，令佢成為百億富豪。而雖然佢平日不時都會喺網上「炫富」，晒出超豪華私人飛機內部裝修、名牌袋、名車、名錶等。

Photo from YKYBtao-黄子韬/weibo

黃子韜之後就不時喺微博、IG公開佢嘅超豪生活，大晒私人飛機、名車、名錶、名牌以及位於美國嘅大屋等。而佢仲曾喺一個節目中被指佢啲錶就已經價值 800 萬人民幣（約 970 萬港元）。

Photo from YKYBtao-黄子韬/weibo

Photo from weibo

而近日黃子韜就喺其微博中上傳多張自己喺海南島成立嘅娛樂公司嘅相，並留言：「加油.還差百分之40完工?」。雖然嘅娛樂公司依家就仲裝修緊，但黃子韜已經急不及待同大家開心 share 公司內部嘅部分裝修進度相。

Photo from YKYBtao-黄子韬/weibo

相中見佢間公司嘅外部以白色同灰色為主，而大堂就以白色為主調加上唔少木質嘅設計，裝修既簡約又摩登，而且空間感十足，目測單單只係大堂已過萬尺，認真大呀！

Photo from YKYBtao-黄子韬/weibo

除此之外，公司仲設有多間唔同功能嘅房間，如排舞室、攝影掤、錄音室等等，而佢聘請嘅員工大部分都更係後生仔女，個個都充滿活力。

Photo from YKYBtao-黄子韬/weibo

唔少網民睇見後隨即引起熱議，除有人問佢喺公司完工後會唔會開直播帶大家嚟一個公司 office tour 外，更有自稱係工商管理學碩士嘅網友問佢請唔請茶水、掃地。

Photo from YKYBtao-黄子韬/weibo

Photo from weibo

當然人人都想爭到份筍工喇，因此「#黃子韜晒新公司裝修照」火速登上內地嘅熱搜榜，睇嚟大家唔止想搵到筍工仲要睇吓佢嘅新公司到底有幾大幾誇張。

Photo from YKYBtao-黄子韬/weibo

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

黃子韜瘋狂炫富大晒私人飛機/名錶/跑車！繼承爸爸200億人民幣身家

07 Jan 2021

前EXO成員黃子韜（Tao）喺父親離世後繼承200億人民幣（約港幣$240億）身家，佢喺網上不時「炫富」，晒出超豪華私人飛機內部裝修、名牌袋、名車、名錶等。

黃子韜（Tao）自退出韓團EXO後回國發展，當時佢爸爸出錢出力支持仔仔，更打本畀佢開工作室。

上年黃子韜爸爸突然離世，黃子韜繼承父親留下嘅公司，佢更發長文悼念爸爸，表示會繼續經營好公司：「我不會倒下！我會繼續用我的方式把龍韜娛樂做到最好、我一輩子都不會放下我爸留給我的心血！我也一輩子都不會讓我爸失望！」佢又指自己會過得越嚟越好：「我也會繼續過的越來越好，繼續讓羨慕我的繼續羨慕嫉妒的繼續嫉妒，讓恨我討厭我的繼續恨我繼續討厭我，這樣我更有動力讓自己過的更好做的更好！」