港女與曖昧對象睇戲不滿對方3大行為！網友直言：咁嘅人之後朋友都無得做

約會嚟講，「睇戲」都算係必備行程。一位港女同曖昧對象約會時就被對方行為激親，不滿到要開post表示已「扣曬佢分」，直言：「頂唔順呢啲人」，網友亦力撐佢指：「咁嘅人之後朋友都無得做」

Photo from 《太陽的後裔》

「曖昧」可以話係每段戀情嘅必經階段，有一位網友就喺Dcard開post「同曖昧對象睇套戲就已經扣曬佢分。。」，指曖昧對象睇戲期間嘅行為令佢「頂唔順」。

Photo from 《柔美的細胞小將》

樓主指佢認識曖昧對象半個月左右，對方約佢出嚟約會，大家已溝通好決定睇戲，睇嗰套戲都係大家商量好。

Photo from 《愛回家之開心速遞》

樓主表示：「我唔係要求佢要帶件外套比我個啲」，對方本身係多嘢講嘅人嚟，點知佢睇緊戲都照繼續講唔停，一直喺樓主耳邊喃喃自語。

Photo from 《孤單又燦爛的神－鬼怪》

樓主話佢唔係講關於電影劇情嘅嘢，而係講緊啲無聊廢話，令樓主非常無奈：「點解一定要宜家講？搞到我完全專心唔到睇戲」

Photo from 《我的ID是江南美人》

之後樓主叫曖昧對象安靜睇戲，但對方竟然攞部電話出嚟：「每隔兩分鐘就見到隔離位個電話mon著緊，仲煩過頭先」，樓主表示佢煩到自己都算啦，但佢咁做仲會打擾到戲院嘅其他觀眾。

Photo from 《愛回家之開心速遞》

於是樓主就要佢收返埋部電話，不過佢照繼續用。去到套戲差唔多完，樓主繼續坐喺個位到等主題曲、花絮、彩蛋等，而對方已即刻企起身，好似趕住走咁，樓主表示明白對方可能覺得套戲好悶，或者唔啱心水，但套戲係兩人一致決定要睇：「比返少少尊重唔得咩？」

Photo from 《那些我愛過的人》

樓主指寧願對方安靜瞓覺，都唔好做呢啲行為影響到其他人，最後樓主表示：「有冇人都頂唔順呢啲人？定係我要求太高？」

Photo from 《紀念日》

唔少網友力撐樓主：「咁嘅人我之後朋友都冇得做，佢由頭到尾所有嘢犯晒睇戲大忌」、「偶爾一句半句或者望一望都仲接受到 但一直係咁真係不了」、「我就覺得好唔尊重你同埋套戲」、「完全接受唔到」

Photo from Dcard

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）