download HolidaySmart 假期日常 app
張致恒返內地登台努力搵真銀 撩女功力一流 現場大媽冧到暈!

張致恒返內地登台努力搵真銀 撩女功力一流 現場大媽冧到暈!

娛樂新聞
By Stephanie on 08 Jun 2021
Digital Content Writer

藝人張致恒(Steven)早前被爆負債累累,公開向幾位債主道歉並承諾會積極搵錢還錢。最近,有內地網民就拍到佢喺廈門時登台嘅影片,只見佢一邊唱住《死性不改》一邊同女粉絲們握手,現場嘅反應都幾熱烈㗎~

張致恆IGPhoto from 張致恆IG

現年36歲嘅張致恒近年負面新聞多多,自2019年被爆疑似「一腳踏五船」,導致BOY'Z紅館演唱會被迫取消。之後,佢同圈外女友兼粉絲雯雯奉子成婚,努力脫胎換骨,做好老公兼好爸爸。但幾個月前又被藝人馮鎵瀠(Naomi)揭借錢唔還,導致形象一落千丈!

關智斌IGPhoto from 關智斌IG

張致恆IGPhoto from 張致恆IG

當時嘅張致恒就向大家承諾有拖無欠,話會努力做人,希望大家俾多次機會佢。近來,佢就獨自一人返內地表演,去汕頭、廈門、廣州、南寧等唔同地方工作,努力還錢。

張致恆IGPhoto from 張致恆IG

不過,張致恒積極喺內地尋找工作機會,喺內地直播時因為粉絲瘋狂點唱經典歌曲《死性不改》,而令佢忍唔住講笑咁話「日日直播都有人點唱,真係唱到嘔」,仲非常浮誇咁做出嘔吐嘅動作!呢個行為令唔少網民都覺得反感,認為佢唔尊重有份一齊合唱嘅拍檔關智斌同埋TWINS。

微博Photo from 微博

日前,有粉絲就上載咗佢喺廈門表演時嘅影片,片中嘅好似係一個婚宴場合,而且場內幾乎全部都係女粉絲。只見佢一出場就開始獻唱《死性不改》,仲好親民咁一路同旁邊嘅粉絲們握手,而在場嘅觀眾亦非常熱情,聚集喺台邊影相歡呼~

微博Photo from 微博

微博Photo from 微博

當日,張致恒嘅心情亦似乎唔錯,並冇因為要獻唱《死性不改》而感到不適。出場前路過見到粉絲嘅時候,仲向粉絲做出V字手勢兼擺出搞怪嘅表情,睇嚟佢喺內地人氣依然非常高,並未受負面新聞所影響!佢亦非常識做,應在場女粉絲嘅要求一齊合照,好識冧粉絲!

微博Photo from 微博

微博Photo from 微博

但有部份網民喺睇完影片後,就留言話佢係一曲走天涯,「就算唱到作嘔,都係繼續唱呢首歌搵食」。希望佢今次真係認真改過,而並非「死性不改」喇~

張致恆IGPhoto from 張致恆IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel