download HolidaySmart 假期日常 app
日本長髮女15年冇剪過頭髮!每日花3小時洗頭 堅持原因竟然係咁?

日本長髮女15年冇剪過頭髮!每日花3小時洗頭 堅持原因竟然係咁?

生活熱話
By Cheryl on 15 Apr 2022
Digital Editor

唔少女仔視頭髮如命根,去髮廊剪髮都非常講究。不過,日本一名女子「神戸リン」卻擁有一把超過2米長嘅黑直髮,而且15年嚟都無剪短過!頭髮長度足以將頭髮圍於頸上當圍巾,佢每日單係洗頭就要花上3小時,但佢並無剪頭髮嘅打算,仲靠一頭秀髮輕鬆賺錢!

@rin_rapunzel IGPhoto from @rin_rapunzel IG

35歲神戸小姐嘅驚人長髮引起熱議,最近,佢受邀擔任日本節目《ノブナカなんなん》嘉賓,畀觀眾了解佢嘅養髮日常。節目組跟隨神戸回家拍攝,身高168cm嘅神戸有一把2.3米長的黑直髮。從側面睇,佢全身可被黑髮掩蓋。搞笑嘅係,佢仲可以將頭髮當頸巾戴。

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

神戸嘅睡覺畫面猶如恐怖片,朝早起身都會被自己頭髮纏繞,然後佢會先進行伸展運動。由於佢嘅特長頭髮經常覆蓋全身,所以安全起見,神戸做任何嘢都會小心翼翼。做運動後,都會打掃家中地板,定期清除脫落到地上嘅頭髮。

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

觀眾都相當好奇神戶如何洗頭,所以,佢就喺鏡頭前示範咗清洗打理過程。神戶每日都會花上3小時洗頭同吹頭,更要分三次落洗髮精。節目組計算後,得出佢總共要按29下洗髮精嘅結果!佢甚至會用兩把風筒吹頭,對頭髮真係非常用心。

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

雖然打理費時,但神戶堅持唔剪頭髮。原來因為佢係「真人長髮公主」(Real Rapunzels)嘅成員,而且更係亞洲區唯一一位成員。佢不時會喺YouTube上載影片長髮相關嘅搞怪影片,例如喺放下長髮玩鞦韆、用頭髮「鞭打」紙張、家人等等,搞笑之餘又可以賺取外快。

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

雖然神戶曾經為洗頭水擔任包裝模特兒,不過呢個並唔係佢正職。佢嘅真實身份其實係鋼管舞蹈員,跳鋼管舞時,一頭2米長髮於空中飄逸嘅畫面都幾壯觀!

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

《ノブナカなんなん?》截圖Photo from 《ノブナカなんなん?》截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel