港男討論區發起「一人一句秒速激嬲女友」的說話～ 網友：花式玩命！

唔少拍緊拖嘅男生都一定試過因一句冇心嘅說話而觸發女友怒火，近日有網友就喺討論區發起叫男網友齊齊分享自己因一時口快非挑釁性但又可以「激到女朋友跳掣發癲」嘅說話。

Photo from 《鬼怪》

近日有網友就會喺連登討論區上以「一人幾句激到女朋友跳掣發癲說話」為題出 post，並邀請各位男網友齊齊「1人幾句」分享自己講過而又成功令女朋友立即暴怒的說話。

Photo from 《紀念日》

樓主就一口氣講咗 7 個例子出嚟「你幾時生日」、「單身好似更開心」、「你戴口罩個樣好靚」、「果邊個女仔好靚」、「果邊個男仔好型」、「結左婚之後碗你洗可以嗎」、「下次發癲可否提下我,thx」。

Photo from 《建築學概論》

而依個 post 一出隨即引嚟唔少網友留言，更有網友分享自己經驗指講咗依啲肯定必「死」無疑：「你嬲完話我知」、「叫錯第二個名」、「又點呀？？？？」、「唔好嬲啦」、「同你行街攰過返工」、「放左工同你出街好似返第份工」等等。

Photo from 《極品絕配》

不過有網友就認為依啲都係小兒科嚟，而依幾句：「都唔知你嬲啲乜」、「咁你仲想點啊？」、「你話點咪點囉」、「你鍾意啦」、「知唔知其實氹你好攰」、「OK you win,whateven you like.」係終極禁語嚟，仲話係萬試萬靈添！

Photo from 連登截圖

Photo from 《原諒他77次》

Photo from 連登截圖

其實又唔係全部女友都係咁嘅，可以只係咁啱啫，唔知各位巴打又有冇試過點激個女友都唔嬲經驗呢？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）