download HolidaySmart 假期日常 app
港女男友自稱身世悲慘患憂鬱症 交往一年後得知真相  網民:以為電視劇先會發生?!

港女男友自稱身世悲慘患憂鬱症 交往一年後得知真相 網民:以為電視劇先會發生?!

生活熱話
By Stephanie on 09 Jun 2021
Digital Content Writer

拍拖時,被另一半欺騙係好多情侶分手嘅原因!最近,有位港女就喺討論區講述自己被拍拖接近1年幾嘅男友欺騙,而男友竟然用非常奇特嘅理由解釋,令港女非常不滿,決定提出分手!

TVBPhoto from TVB

相信唔少人都十分認同,信任係情侶維繫感情最重要嘅一環。日前,有位港女就喺Dcard討論區開post表示自己同男友喺兼職嘅時候認識,大家嘅年紀一樣,辭職之後保持日日聯絡,不久後就開始拍拖~

Dcard討論區Photo from Dcard討論區

拍拖初期,男友就曾經好語重心長咁同佢講自己嘅家庭環境比較差,爸爸欠下一身債,只係靠媽媽一個人嘅工作養起成頭家。男友仲表示因為中學時期受到霸凌,導致自己患上抑鬱症,雖然而家嘅狀態好返啲,但尚未完全康復,向港女講「驚拍拖累咗我,趁依家感情未深厚,要走嘅話唔怪你」!

TVBPhoto from TVB

港女聽完之後,就話因為係真心鍾意男友,所以並唔在意。之後拍拖嘅一年期間,佢哋就好似普通情侶一樣相處,不過佢就表示自己盡量會選擇比較便宜嘅餐廳,就算生日都堅決唔俾男友請佢食飯,希望減低男友嘅經濟負擔。此外,佢仲專程上網搜尋睇書學習點養同有情緒病嘅人相處,平時亦盡量唔刺激佢,免得佢情緒病發!

TVBPhoto from TVB

直到有一日,男友突然間衝出露台話好想自殺,認為自己好無用,港女認為佢應該係憂鬱症復發,立刻上前攬實佢安慰佢。過咗10分鐘後,男友突然間同佢講「決定要視佢為結婚對象」,並向佢坦白之前所講嘅家庭背景同情緒病史都係假嘅,呢一年來都係對另一半嘅「考驗」!男友仲表示自己家人已經決定要送第二間屋俾佢,叫港女同佢同居。

TVBPhoto from TVB

港女聽完之後,十分驚訝,立刻叫男友先離開佢屋企,再喺電話同佢講分手!佢話自己完全唔介意對方貧窮或有情緒病,但最過份嘅喺佢竟然欺騙咗佢足足一年咁多,認為佢應該係有精神病!

TVBPhoto from TVB

講完分手後,男友竟然回覆佢話「分咗手就冇可能搵到一個21歲就有樓揸手嘅男人」,令港女生氣到即刻block咗佢!佢話最令佢嬲嘅係竟然因為有樓而決定要自殺大考驗佢考驗兩人嘅感情,質疑男友係幾驚另一半呃佢錢同感情先會咁樣做!

Dcard討論區Photo from Dcard討論區

唔少網民睇完後,都認為男友嘅行為真係好誇張,留言話「佢係咪以為自己拍緊戲?!」、「係咪睇得偶像劇太多睇上腦」等,亦有網民認為男友可能以前被傷得太深,所以先會做出如此行為。唔知大家又點睇呢件事呢~

Dcard討論區Photo from Dcard討論區

Dcard討論區Photo from Dcard討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel