同事買近萬元電腦椅返公司坐 港男討論區發文指曬命!網民反問:有咩問題?

同事買近萬元電腦椅返公司坐 港男討論區發文指曬命!網民反問:有咩問題?

生活熱話
ByCelia on 10 Jun 2021

打工仔一日最少有 8 個鐘喺公司,因此唔少人為咗可以令工作時坐得舒服都會自己帶坐墊或咕𠱸返工之外,又會唔會帶埋張私家椅返工呢?!近日有網民有喺討論區發文指佢嘅同事買咗張成萬蚊嘅電腦椅返公司坐,更指對邊方咁做都唔知搏乜!

TVB
Photo from TVB

相信大部分打工仔都唔會同意「貼錢打工」嘅做法,但近日有網友就喺香港討論區以「同事好L串,話公司啲電腦椅唔好坐,自己買咗張成萬蚊嘅返公司坐」為題,分享某日喺公司 lunch time時嘅趣聞!

TVB
Photo from TVB

樓主喺貼文中指 lunch 時有人送貨上公司,但收貨者就唔係公司,係其中一個男同事,喺等依位同事拆開貨後發現原來係一張電腦椅嚟,但樓主就指張椅就咁睇同嗰啲千幾二千蚊嘅電腦椅差唔多仲上傳咗張差唔多款嘅相畀大家睇,但當佢哋討論到張椅幾錢時先知原來要成萬蚊張。

discuss.com.hk
Photo from discuss.com.hk

而樓主亦表示公司其實係有提供電腦椅畀每位同事,但貨色就係普普通通百零蚊張嘅貨仔嚟,因此令樓主覺得依位同事咁做嘅目的係咩:「想曬命自己好有錢??買成萬蚊張電腦椅放公司都唔知搏乜!」

《愛美麗狂想曲》
Photo from 《愛美麗狂想曲》

貼文一出隨即引嚟唔少嘅討論,唔少網友就覺得樓主嘅同事咁做冇咩問題,加上一日喺公司嘅時間隨時多過喺屋企,只係對自己好啲啫,而且張椅又唔係樓主或其公司出錢,唔明點解樓主會覺得佢同事咁做就係串。

廣告
廣告

discuss.com.hk
Photo from discuss.com.hk

discuss.com.hk
Photo from discuss.com.hk

更有網友留言分享指自己喺公司用緊嘅 4K Mon、keybroad、mouse、電腦都係自費嘅添。

discuss.com.hk
Photo from discuss.com.hk

當然亦有網友指出有部份公司張椅嘅款式係同職位高低有關,HR 絕對可以以影響公司內部設計一致為由警告你。而如果咁啱你張椅同上司嗰張一樣或畀上司好,隨時有可能影響你嘅職場生涯。

discuss.com.hk
Photo from discuss.com.hk

discuss.com.hk
Photo from discuss.com.hk

當然到底可唔可以咁樣換椅,都要視乎每間公司同個人需要而定喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook