港男被出軌妻拋棄 要獨力湊1歲B 網民：女方唔珍惜 係佢走寶！

兩性議題中，有人認為對伴侶太好，對方不會珍惜。近日，一名港男於網上討論區發文訴苦，指遭結婚三年嘅妻子出軌。當正面對質時，女方竟然要求離婚，更表示唔想再照顧一歲BB。男事主被妻子拋棄同時又要獨力照顧小孩，佢大感焦慮下上網救助網友。

Photo from 《寶寶大過天》TVB

最近，一名港男於香港討論區發帖文稱與妻子結婚三年，育有一名1歲大細路，向來相安無事。直至半年前，老婆開始拒絕親熱，又以「疲倦」及「無心情」等原因推搪。男事主開始發現妻子成日半夜睇手機，傳短訊甜笑，令佢有所懷疑。男方決定趁老婆沖涼時查閱手機，終發現佢同一名男子嘅情慾對話。男事主知道自己被老婆出軌後大感錯愕，又嬲又傷心。

Photo from 《逆天奇案》TVB

雙方攤牌時，女方直指自己已同該名男子拍拖半年，仲希望繼續同佢一齊。女方完全沒有求情不特止，更要求離婚，又希望小孩可以交畀男方照顧。對於老婆「話變就變」，男事主感到心寒。

Photo from 《寶寶大過天》TVB

事主自問係個廿四孝老公，平日放工都頂著倦意買餸煮飯，即使老婆無理取鬧都百般忍讓。但卻被女方嫌棄佢唔識製造驚喜，令關係缺乏新鮮感。事主了解自己「死因」後，都苦思：「女人係咪都咁犯賤？對佢好唔會珍惜？」

Photo from 《寶寶大過天》TVB

男事主表示佢現時要獨力照顧只得1歲大嘅小孩，平日返工時，會將BB安置於母親家，但收工後要同時兼顧煮飯，及擔心無人看守下小孩係客廳會弄傷自己。此情況令事主壓力倍增，經常焦慮。

Photo from 《暖男爸爸》ViuTV

好多網民替事主感到氣憤，認為錯不在男方，只係女方未玩夠，不懂珍惜。有網民指女方只貪新鮮，將來受惡果時必定後悔，又安慰男事主「一定會有人珍惜你，係佢走寶」，亦有人慨歎現代婚姻變質，好多人都唔堅守婚姻承諾，令離婚率上升。

Photo from 《寶寶大過天》TVB

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）