陳瀅桃花不斷 又有新追求者出現 男方竟然係全能藝人兼唱片公司太子爺!

陳瀅桃花不斷 又有新追求者出現 男方竟然係全能藝人兼唱片公司太子爺!

娛樂新聞
ByStephanie on 11 Jun 2021

陳瀅自入行以來就緋聞多多,感情生活一直都備受網民關注。近日,有傳佢而家被唱片公司太子爺張子丰(Fred)熱烈追求緊,兩人已經變得非常熟絡,男方仲會陪伴佢一齊出席好姐妹嘅聚會,唔知佢哋嘅關係會唔會更進一步呢?!

陳瀅FB
Photo from 陳瀅FB

現年31歲嘅陳瀅擁有甜美嘅外表,被唔少網民稱為「宅男女神」!而佢嘅桃花亦非常旺,入行之後不斷傳出緋聞,對象包括有:「衣架大王」太子爺劉德俊、溫家偉、張振朗、陳家樂,方力申等。

陳瀅FB
Photo from 陳瀅FB

早前,陳瀅接受訪問時就話自己其實只係拍過4次拖,而對上一位男友就係同賭王四房兒子何猷亨嘅戀情。兩人於2015年被拍到同遊日本札幌,當時仲深得四太歡心,一度傳出好事近,可惜兩人半年後就分手。

陳瀅FB
Photo from 陳瀅FB

TVB
Photo from TVB

單身多年嘅陳瀅最近就疑似又有新追求者,對象就係環星唱片公司嘅太子爺張子丰(Fred) !有傳陳瀅同好姐妹何雁詩、賴慰玲等一齊食下午茶時,張子丰亦有同行,仲會主動打開自己背包幫手裝住陳瀅嘅隨身物品,十分細心~上個月兩人仲同好友一齊慶祝生日,睇嚟兩人已經變得好熟絡。

張子丰FB
Photo from 張子丰FB

廣告
廣告

現時33歲嘅張子丰同陳瀅一樣都喺加拿大讀書,又難怪兩人會咁投契嘅~佢主修電影學系,畢業後曾經擔任電影導演,到2013年首次以歌手身份出道。近年就加入咗邵氏兄弟同無綫,獲得唔少嘅演出機會,拍攝過《逆天奇案》、《法證先鋒IV》等,十分多才多藝。

張子丰IG
Photo from 張子丰IG

張子丰IG
Photo from 張子丰IG

陳瀅就曾經話過希望下一任嘅男友就可以係未來老公,仲想盡快結婚,所以而家拍拖之前都會經過深思熟慮。唔知Fred呢類才華型嘅男仔又能唔能夠取得佢嘅歡心呢~

陳瀅FB
Photo from 陳瀅IG

張子丰IG
Photo from 張子丰IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook