80歲老爺欲娶內地小三 家人憂心 網民：講到尾你都知係關心間公屋！

本港不時出現老年男欲迎娶內地妻子來港，令家人喪失遷入公屋資格，最後「無家可歸」個案。最近，有女網民上討論區大吐苦水，不滿80歲老爺想娶內地小三來港，擔心以後無法與老公搬入老爺公屋。亦有另一網民遭遇類似問題，更想以拒交入息證明阻止70歲老父為內地新妻加名入公屋單位，引起網民熱議。

Photo from 《香港愛情故事》TVB

近日，一名女網民於香港討論區發文分享，指其80歲老爺於去年喪偶，至今年爆出佢早喺內地另結情婦，兩人已經有30年感情。事主老爺喪偶後，表示想迎娶該內地情婦，畀佢來港照顧自己，「要畀嗰身份證同名份佢」。

Photo from 《賭城群英會》TVB

女事主聞言後大感震驚，一方面不滿老爺暗交情婦多年。另一方面，佢擔心女方只為利益來港，甚至欺騙老爺資產及感情。而且，女事主透露，佢同丈夫原本打算等老爺百年歸老後，可以用世襲形式搬入其公屋，但內地情婦嘅出現令計劃出現危機，遂向網民詢問意見。

Photo from 《寶寶大過天》TVB

有網民覺得老爺想搵個人照顧起居飲食都好正常，相信事主同佢丈夫有自己生活，無法長時間照顧佢，認為二人更應感恩有人幫手。亦有網民質疑現時仲有無公屋世襲制，又指事主只係覬覦老爺公屋，並非關心老爺本人，咁樣同佢口中指內地婦「謀利益」無分別，慨歎好多現代人著眼利益多過親情。

Photo from 《香港愛情故事》TVB

除咗上述個案外，有另一港女於連登討論區發文，指其7旬老父早年與內地女再婚，仲連帶事主繼母同佢前夫所生女兒來港。此事導致父女關係轉差，港女亦喺後母來港後遷出原與父親同住之公屋單位，只會間中探望同畀家用佢。

Photo from 《香港愛情故事》TVB

女事主表示，老父曾表明唔會將新妻同繼女加名入公屋，但最近卻反口，並且想索取事主入息證明辦理手續。同樣於公屋有名嘅事主聽罷立即不滿，對父親感到失望。

Photo from 《香港愛情故事》TVB

女事主不願遵從老父意向，表示「一日個女人仲喺度我一天都唔會返去」，佢甚至打算透過拒交入息證明作對抗，引起熱議。網民反應兩極，有一派理解事主擔憂，認為若佢後母成功獲取戶籍，日後會不擇手段逼走事主老父，所以同意事主拒交文件做法。

Photo from 《寶寶大過天》TVB

另一派則不同意事主做法，認為佢已離家多年，與父親關係疏離，應該畀老父有伴終老，所以覺得事主唔應該反對後母獲得公屋單位戶籍。

Photo from 《香港愛情故事》TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）