港女試飲媽媽愛心「肉湯」味覺大受衝擊！ 盤點6個網民分享的地獄料理

唔少人都渴望成為廚神，但好可惜嘅係事實往往事與願違！近日，有網民就喺討論區話媽媽自創咗一種新嘅湯水，而材料就只有五花腩，令佢嘅味覺大受衝擊。而家就等我哋一齊搜羅一下網民喺網上講過嘅「地獄料理」啦～

Photo from TVB

唔少人都習慣晚餐要三餸一湯，填飽肚子。日前，有為港女就喺連登討論區表分享佢媽媽所為佢煮嘅新湯水。佢表示自己喺晚飯時候，見到餐桌上有一碗睇落非常清淡嘅湯水，所以就以為媽媽今晚所熬嘅係雪梨湯！

Photo from 連登討論區

當港女一飲就已經覺得好難飲，話味道好似餿水咁。之後，媽媽先解釋話呢碗湯係「烚五花腩嗰啲水」（亦即係五花腩汆水），令港女即刻嚇咗一跳！最可怕嘅係佢嘅父母都認為湯有肉嘅味道，絕對可以當湯咁飲用。佢聽到後十分無奈，但就表示唔想喺媽媽面前倒掉，但真係好難飲，感到無助。

Photo from 連登討論區

其實好多網民都有自己煮過或者食過家人為佢煮嘅「地獄料理」，而家就等我哋一齊睇下網民們可怕又新穎嘅菜色啦！

蒸三文魚壽司

有台灣女網民就表示男友本來買咗三文魚壽司，打算第二天好好享用。點知當男友一起身嘅時候，就已經見到媽媽將佢成盤三文魚壽司蒸熟咗！而佢就奉勸各位千祈唔好蒸熟三文魚壽司，因為真係好難食㗎！

Photo from Dcard 討論區

Photo from Dcard 討論區

薯餅粟米肉碎粥

有網民就曾經喺連登討論區分享自己自創嘅新料理「薯餅粟米肉碎粥」，但該網民就表示味道比佢想像中好食。不過，其他網民就留言表示唔太認同，仲話「如果加埋生菜碎、豆角粒就秒變醫院餐」！

Photo from 連登討論區

Photo from 連登討論區

貢丸麥皮烏冬

以下呢張圖片奉勸各位千祈唔好食飯時睇！相信大家煮烏冬嘅時候，都會加下魚蛋作為餸菜。不過，加麥皮應該就真係好少見，唔知呢位網民係咪因為想健康兼飽肚啲，所以先咁煮呢？！

Photo from 高登討論區

米血糕+椰菜

就咁睇呢個應該係類似米血糕嘅物體？！不過放喺椰菜上面蒸就真係比較少見，而且賣相睇落亦好奇怪！

Photo from 連登討論區

熔岩燒魚

有日本網民就喺Twitter上分享過家人嘅特別燒魚方法，佢指家人用平時燒蕃薯嘅方式去燒魚，導致成條魚完全變咗黑色！最特別嘅係呢條魚喺上碟嘅時候，肚子嘅部位好似著咗火咁，呢種「特別」嘅技術並非普通人能夠做到㗎～

Photo from Twitter

西瓜炒菜

有網民就分享咗佢父親好「清新」嘅炒菜方法，就係西瓜炒菜！就咁聽呢道菜好適合夏天食，但好難想像熱嘅西瓜會係咩口感...

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）