download HolidaySmart 假期日常 app
陳偉霆曾被指「電芯鼻」惹微調疑雲~ 曬公公婆婆舊照令謠言不攻自破?  網民:同公公餅印咁一樣靚仔!

陳偉霆曾被指「電芯鼻」惹微調疑雲~ 曬公公婆婆舊照令謠言不攻自破? 網民:同公公餅印咁一樣靚仔!

娛樂新聞
By Cheryl on 15 Jun 2021
Digital Editor

藝人陳偉霆 (William)自轉戰內地娛樂圈後人氣旺盛,持續參演多套人氣影視及綜藝節目,加上佢態度親民,成功維持熱度。近日,陳偉霆分別於微博上載公公和婆婆嘅舊照、以及佢同媽媽參觀博物館嘅近照。網民都表示陳偉霆同佢公公好似樣,大讚全家顏值爆表,又認為佢同媽媽嘅合照溫馨鬼馬。

陳偉霆 微博Photo from 陳偉霆 微博

其實陳偉霆出道時,曾被網民指鼻子高得不自然,有微調之嫌,雖然多年來William 一直未有為謠言澄清,但最近,陳偉霆上載咗兩張有關佢公公同婆婆嘅舊照。照片中,佢公公梳著all back頭,穿白色西裝,雙眼炯炯有神,鼻子高挺,官仔骨骨又帥氣。而婆婆則留一頭波浪捲髮,係一位打扮時髦嘅大美人。

陳偉霆 微博Photo from 陳偉霆 微博

陳偉霆 微博Photo from 陳偉霆 微博

網民見到相片後,都表示陳偉霆同佢公公好似樣,認為佢公公基因強大「你和外公很像欸!」令過往微調謠言不攻自破,網民又大讚全家都顏值爆表:「這一家顏值都好絕!」、「外公外婆是帥哥靚妹!」。

微博評論Photo from 微博評論

微博評論Photo from 微博評論

微博評論Photo from 微博評論

除咗大晒公公婆婆舊照外,陳偉霆最近都分享咗佢同媽媽同遊汕頭博物館嘅相片。事緣,William近日為陳嘉上執導電影《暴風》拍攝,新片涉及汕頭歷史,佢為咗做好準備,特意到汕頭博物館參觀取經,同時化身孝順仔,帶埋媽媽同哥哥嚟個一日遊,工作同時享受家庭樂。

陳偉霆 微博Photo from 陳偉霆 微博

喺一系列相片中,可見佢哋細心欣賞每樣展品,喺一幅合照中,陳偉霆同佢媽媽觀賞瓷器時更瞪大眼睛,雙眼發光地鑽研文物,表情都幾浮誇,相當搞笑。

陳偉霆 微博Photo from 陳偉霆 微博

喺其他參觀相中,見到陳偉霆對歷史文物都相當有好奇心,離開時亦喺館外舉高雙手留念,不少粉絲讚佢猶如小學生去學校旅行,童心未泯嘅模樣好得意,更令「陳偉霆和哥哥媽媽逛汕頭博物館」嘅話題一度登上微博熱搜榜。

陳偉霆 微博Photo from 陳偉霆 微博

陳偉霆 微博Photo from 陳偉霆 微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel