【天貓淘寶618 × 父親節】為爸爸淘盡好物～送上滿滿祝福！

By karen.ko on 15 Jun 2021

Digital Editor

嚟緊星期日6月20日就係父親節，大家揀好送咩禮物俾爸爸未呢？就算未揀好都唔洗緊張，6月16至20日咁啱係天貓淘寶618嘅第二波優惠期，淘寶香港站將會提供大量著數優惠同至潮好物推介俾大家；加上今年5月試業、主打本地好貨嘅天貓香港強勢加入今次618活動，大家可以喺一個淘寶APP就可以輕鬆買到跨境及本地精選好貨，所以準備父親節禮物一定無難度啦！小編特別從日常生活、電子產品同戶外運動3方面入手，挑選咗啲心水父親節實用禮物推介俾大家。記住睇埋文末嘅優惠懶人包，以最優惠價錢買到窩心禮物同爸爸慶祝！

飛利浦S1332/41 1000系列乾用電鬚刨

Photo from Tmall HK

鬚刨可以話係每個男人必備嘅日常用品，而一個附合人體工學設計，可以靈活操作，剃得又快又乾淨嘅電動剃鬚刨就啱哂我哋日理萬機嘅爸爸！呢款飛利浦乾用電鬚刨採用PowerCut強效切剃刀片系統，配合4向貼面刀頭設計，可以緊貼臉部輪廓，輕易將鬚根剃得乾乾淨淨，保持舒適乾爽。而電鬚刨清洗亦十分方便，只需一按打開刀頭，然後用水沖洗清潔即可，相信爸爸們一定會鍾意！

Mediness「四手神肩」SHIATSU指壓肩頸按摩器

Photo from Tmall HK

現代人機不離手，加上平時工作辛勞，相信唔少爸爸都有肩頸酸痛嘅問題。想令爸爸放工返到屋企可以嘆返下，減輕疲勞，大家可以考慮下呢個Mediness「四手神肩」SHIATSU指壓肩頸按摩器。按摩器擁有8個按摩頭，4大4細針對性觸點按壓。而溫熱模式同時能夠強化按壓效能及促進血液循環，配合三段力度和正反方向調控，等爸爸喺屋企都可以享受360度覆蓋式指壓體驗，紓緩肩頸酸痛嘅問題。

Amazfit GTS 2 Mini超輕薄迷你智能手錶

Photo from Tmall HK

智慧手錶係近年大熱嘅父親節禮物，唔單止可以睇時間，仲能夠監察佩戴者嘅健康狀況，喺必要時示警。呢款Amazfit GTS 2 Mini超輕薄迷你智能手錶不但輕便時尚，更具備監察心率、血氧飽和度測量、壓力程度監察、尋找手機等多種實用功能，透過手腕全面管理健康，幫你一齊check住爸爸健康。內建嘅70種運動模式，可以記錄不同運動嘅數據以便爸爸們作出有效訓練。手錶5ATM防水等級，可承受相當於50公尺深的壓力。如果監測到心率過高更會震動提醒，等爸爸可以及時保護自己。

多功能家用健身神器

Photo from Tmall

愛錫爸爸當然想佢有強健嘅體魄，可以健健康康。呢個慳位又多功能嘅健身神器最適合放喺屋企，鼓勵下佢做多啲運動啦～唔好睇呢款健身神器體積細細，爸爸們可以透過調整支架距離刺激唔同肌肉，仲可以改變手柄位置針對性練到胸、肩、背和腹等不同部位。配備嘅拉力繩同普拉提棒，只要一件神器就能開啟多種訓練方式。閒時叫爸爸鍛練一下，強化下肌肉，咁就自然少啲病痛，每日都精精神神！

NATIONAL GEOGRAPHIC大容量背包

Photo from Tmall

如果爸爸係戶外運動型，平時鍾意四圍去遠足行下山，呢個外形醒目又實用嘅國家地理（NATIONAL GEOGRAPHIC）嘅高質背包必定令佢愛不釋手。呢款背包外層採用防水物料，撞正落雨都唔怕整濕，內籠嘅大容量主袋可以提供極多收納空間，証件袋、手機袋、手提電腦夾層、防盜拉鏈袋同側邊袋等一應俱全，不同場合不同需要都啱用。加上係囝囝囡囡送嘅話，必定每次外出揹住都甜在心頭啦！

想買更多好物送俾爸爸？天貓香港全平台免運費肯定幫到你！

咁啱父親節前就係天貓淘寶618活動，除咗以往嘅淘寶香港站，而家仲有主打本地貨嘅天貓香港，令大家有更多購物選擇，買多幾樣禮物俾爸爸都無問題啦。今年作為天貓香港首次同大家共度618，特意為香港消費者帶來震撼獎賞天貓狂「搶」曲！大家只要喺6月16至20日期間（共5日），每日00:00開始最快消費滿1,000港元（以實際支付金額爲準）嘅首5名用戶，將會獲得精彩禮品獎賞，包括Gucci Bloom淡香精、THOMSON無油空氣炸鍋、Yves Saint Laurent淡香精等等。小編已經計啱咗數放埋喺購物車，仲set好鬧鐘提自己俾錢，實行邊買禮物俾爸爸，邊參加埋抽獎，一舉兩得！

Photo from Taobao