《寶寶大過天》岑麗香演新手媽媽被指似神經質　網民：聽佢講對白好辛苦，同Ali冇得比！

TVB新劇《寶寶大過天》近期正式開播即引嚟唔少話題，因為題材與 2018 年播出嘅《BB來了》相同，《寶寶大過天》一直被視為《BB來了》的續集，而網民亦都將兩位主角岑麗香和李佳芯的演技比拼一番。

Photo from 《寶寶大過天》

電視劇《寶寶大過天》同《BB來了》劇情同樣圍繞新手父母嘅辛酸點滴、育兒生活上嘅矛盾與難關等寫實話題，箇中突顯小朋友係父母終身學習、成長嘅契機。

Photo from 《寶寶大過天》

當年《BB來了》創下不錯口碑，有傳再開拍《寶寶大過天》時，碰巧遇上Ali 因為政治取向疑似被TVB封殺的時期，所以最後女主角由香香頂替，而最後男主角也由傳聞中的黎諾懿變成馬國明。

Photo from 《寶寶大過天》

Photo from 《BB來了》

《寶寶大過天》首集已經反映出媽媽忙到連廁所都不能夠安心去嘅實況，再加上「豬隊友」老公嘅唔配合，令媽媽喺照顧小朋友方面大感疲倦，話題如《BB來了》同樣「貼地」。

Photo from 《寶寶大過天》

岑麗香飾演嘅康雅悠係新手媽媽，對愛女童童非常呵護和緊張，嚴重程度直達「神經質」級別，一聽到個女喊就緊張到不得了，而且更有「分離焦慮」，一秒都不敢離開女兒身邊，搞到連瞓覺、大便和沖涼都幾乎沒有時間。相反，馬國明飾演老公游在山就採用放養心態，畀童童睇電視、玩手機和食糖，令康雅悠嬲上加嬲。

Photo from 《寶寶大過天》

雖然劇中嘅話題貼地，唔少媽媽網民都讚套劇有共嗚，直言自己亦身同感受，並指有分離焦慮嘅其實係媽媽自己而唔係個小朋友：「做媽咪嘅，日日都係在家或在外歇斯底里，又擔心小朋友呢樣果樣。」

Photo from 《寶寶大過天》

唔少網民將兩套劇作比較，指《BB來了》比較真實貼地，認為李佳芯（Ali）演繹得比香香較為自然，而且認為聽 Ali 講對嘢冇香香咁辛苦，並指劇中嘅者香香十足神經質咁，不時尖叫同發脾氣，演得非常誇張。

Photo from 《BB來了》

Photo from 連登截圖

Photo from 《BB來了》

而且成套劇一開始就勁嘈，除咗香香成日高音講嘢同大嗌令到人想轉台外，更指劇中小朋友打媽媽嘅情節不知所謂，擔心現實中嘅 小朋友睇到會有樣學樣。

Photo from 連登截圖

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）