夫婦住8千萬豪宅卻餐餐捱杯麵 兼職保安勉強供樓 為悲慘原因堅持？

住靚屋係唔少人畢生夢想，現時樓價高企，好多人為上車甘願節衣縮食。喺日本，一對夫婦住在價值8210萬日圓（約582萬港元）高層豪宅，環境寬闊仲有靚景，但佢哋竟然日日捱杯麵，仲要做兼職先可以勉強供樓，究竟咩原因令佢哋死慳死抵都要住呢間屋？

Photo from 《潛行狙擊》 TVB

日本綜藝節目《家ついて行ってイイですか（可以跟上你的房子嗎？）》喺某住宅區附近訪問57歲嘅日本女子Toyomi，當時佢正帶著愛犬散步，打扮得體，似區內貴婦。Toyomi表示自己住喺呢區大廈嘅27樓，好自然地，主持同觀眾都認為佢係富貴人家，但事實卻令人驚訝。

Photo from 《家ついて行ってイイですか》截圖

節目組跟隨Toyomi回家後，發現呢間屋價值8210萬日圓（約582萬港元），環境寬敞，採用兩房一廳設計，廳內放置一部4K大電視同一部按摩椅後仍然有唔少空間，更有大玻璃窗遠眺區內美景。據悉，呢間靚屋樓齡10年，月供32萬日圓（約2萬2千港元）。

Photo from 《家ついて行ってイイですか》截圖

Photo from 《家ついて行ってイイですか》截圖

Toyomi表示佢同任職電訊公司管理部長嘅60歲丈夫Akira同住。表面睇，節目組以為住喺高層單位嘅二人生活無憂，但夫婦卻透露，佢哋好辛苦先住得起呢間屋，更要做兼職先勉強供得起樓。之後，佢哋分享咗令人震驚嘅慳錢日常。

Photo from 《家ついて行ってイイですか》截圖

原來，為咗幫補家計，Toyomi會喺其居住嘅大廈停車場做兼職保安，一周工作5天，由朝早6點半開工，時薪1020日圓（約$72港元）。

Photo from 《家ついて行ってイイですか》截圖

而Toyomi丈夫Akira則係一名電訊公司管理部長，佢平日返工都只會食一個飯糰作午餐，更會每天早上5點半就起床同妻子一起準備飯糰。

Photo from 《家ついて行ってイイですか》截圖

打開儲物櫃，更發現夫婦家中放滿杯麵！Toyomi表示，佢同丈夫為咗慳錢供樓，都經常以杯麵充飢，亦唔會外出食飯。另外，二人大部分家品都購自100円店。

Photo from 《家ついて行ってイイですか》截圖

究竟，佢哋點解要為呢層樓如此慳儉？原來同夫婦二人嘅悲傷過去有關。二人於25年前結婚，當時Toyomi同Akira分別32歲及35歲，經朋友搞嘅聯誼活動認識，交往半年就結婚。

Photo from 《家ついて行ってイイですか》截圖

Photo from 《家ついて行ってイイですか》截圖

Toyomi當時任職宴會服務侍應，高峰期月賺50至60萬日圓（約3.5萬至4.2萬港元）。但好景不常，Toyomi 35歲時患上大病，需要辭職休養，其後更於體內發現癌細胞，形成子宮肌瘤。

Photo from 《家ついて行ってイイですか》截圖

喺患病十年期間，Toyomi非常痛苦，失去食慾，因此消瘦起來。於40歲時，佢更一度想放棄生命，遺書都準備好。

Photo from 《家ついて行ってイイですか》截圖

更差嘅係，Akira亦係10年前因主動脈剝離暈倒，令右腳無法走動。幸好，經手術及復康訓練後，佢嘅右腳慢慢康復，但依然要定時食藥同進行練習。

Photo from 《家ついて行ってイイですか》截圖

Toyomi同Akira都經歷過大病，自此，兩人決定「喺下次病倒前要盡力把握機會做想做嘅事」，而入住高層豪宅欣賞夜景就係二人夢想。所以，雖然供樓辛苦，亦可能只能喺呢間屋享受幾年，但二人都認為值得，應該趁現在製造珍貴嘅美好回憶。

Photo from 《家ついて行ってイイですか》截圖

Photo from 《家ついて行ってイイですか》截圖

Photo from 《家ついて行ってイイですか》截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）