港男成功上車父母即以裝修舊屋要求暫住感頭痛！　網民反應兩極：盡下孝心啦，點講都係養大你

成功「上車」係唔少香港年輕人嘅夢想嚟，唔少人節衣縮食就係為咗可以擁有私人空間，不過近日有網友就喺討論區指自己最近成功上車仲就嚟入伙，但點知家人就喺依個時候以舊屋要裝修堅持要去佢嘅新居暫住，而且暫住時間仲要唔知幾長，故上網求救。

Photo from 《香港愛情故事》

近日，一名港男於連登討論區以「新屋就嚟入伙，老豆老母堅持要搬過嚟暫住」為題，表示佢過去 30 幾年嚟都同父母一齊住，1家3口住喺一個 200 呎嘅 1 房蝸居，直言由細到大都冇享受過有私隱嘅生活。

Photo from 《退休女皇》

直至最近，樓主終於靠自己儲夠錢自資付首期買樓，點知，正當佢準備搬離享受獨居生活時，父母就堅稱舊屋需要裝修，並提出去佢嘅新居暫住一段時間。咁樓主就梗係唔想喇，但當佢表達出少少唔情願時，樓主嘅父親即面色大變，母親更大罵佢不懂感恩，將多年嚟父母對佢嘅養育之恩拋諸腦後。

Photo from 《香港愛情故事》

不過樓主雖然喺帖文中大嘆有苦難言，但佢亦強調自己只想有私人空間，但又唔想同家人「反面」，遂問大家點解決。

Photo from 《一屋老友記》

唔少網民都建議樓主一定唔可以心軟答應依個要求，而最好嘅辦法就係出錢幫佢哋租住酒店住，網民更解釋指只要畀得鎖匙，就算舊屋真係裝修兩老肯搬返去住，佢哋都有可能每日都上去，咁同喺嗰度長住冇咩分喇，而樓主次後再補充指已經同父母提出過租住酒店，但無奈兩老堅持非住佢新居不可。

Photo from 連登討論區

更有網民模擬兩老嘅心思留言叫樓主應該畀間新屋兩老住，而自己就住舊屋，仲要裝修費都係自己負責！

Photo from 連登討論區

Photo from 連登討論區

而有網民亦提議樓主可以短租同一屋苑嘅單位，或者樓主自己暫住酒店，並勸樓主心平氣和與父母溝通，叫樓主直接同佢哋講自己嘅心底話。

Photo from 連登討論區

Photo from 連登討論區

另外，亦有網民認為樓主不孝，裝修都只係 3 個月，舊屋裝好，佢哋自然會走，因為人都係想生活得舒服，無理由有自己地方唔住，並叫樓主：「盡下孝心啦，點講都係養大你」

Photo from 連登討論區

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）