【苟芸慧婚變】疑生B計劃現分歧 已搬離貝沙灣愛巢「該斷的斷了」IG早有暗示？

37歲前華姐冠軍苟芸慧與「錫礦大王」陸佑後人兼賽車手陸漢洋於2018年結婚，婚後嘅苟姑娘成為少奶奶，減少幕前工作，不時同老公曬恩愛。不過，日前突然傳出二人有婚變危機。有指，苟芸慧不滿老公唔想生仔，亦無法忍受老公冷待，致二人無法達成共識。據悉，苟芸慧現已搬離貝沙灣愛巢。佢早前亦喺社交平台語帶雙關：「該斷的斷了」，似是早有暗示。

Photo from 苟芸慧 IG

現年37歲嘅苟芸慧（苟姑娘）同陸漢洋結婚兩年多，苟姑娘於婚後減少工作，專注家庭。過著少奶奶生活嘅苟姑娘平日都好Chill，得閒整下甜品，又會同老公去旅行，婚姻生活貌似幾甜蜜。

Photo from 苟芸慧 IG

不過，有指男方將重心放於生意打理上，令苟姑娘認為自己被冷落。而且，有傳女方一直恨生仔，但男方卻無生育計劃，導致二人於生B議題上出現分歧。今年初，有指苟姑娘以探親為由返回加拿大，其實係給予兩人冷靜期。夫妻二人分隔兩地，令感情再度轉淡。

Photo from 苟芸慧 IG

有指苟芸慧於今年4月返港後，已四出搵地方搬。男方知道後曾盡力修補夫婦感情，但女方堅持分開，並已搬離二人於貝沙灣之愛巢，獨自喺九龍站附近租屋居住。

Photo from 苟芸慧 IG

最近，苟芸慧喺社交平台上載帖文，表示佢清理咗20箱物品，又言：「該捐的捐了，該送的送了，該斷的斷了。」同時，佢透露自己開始研究哲學性嘅書，對此感到充實。未知佢是否為搬離愛巢執拾東西。

Photo from 苟芸慧 IG

Photo from 苟芸慧 IG影片截圖

亦有網民發現，苟芸慧最後一次分享同老公嘅合照係去年10月慶祝結婚2周年時，當時苟姑娘仲係帖文寫道：「2nd year ~ 今年有不少難關，但感恩有你，btw 有冇人話你愈來愈靚仔 ？」。

Photo from 苟芸慧 IG

Photo from 苟芸慧 IG

估唔到僅僅半年，兩人感情就生變，唔少網民大感惋惜，亦有多口網民走入此舊帖文留言：「而家你仲覺唔覺佢靚仔？」。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）