download HolidaySmart 假期日常 app
姜濤素顏罕露額頭打籃球登港聞,repost新聞片感無言!記者唱《IGNITED》抽水 網民笑:係專業「姜糖」

姜濤素顏罕露額頭打籃球登港聞,repost新聞片感無言!記者唱《IGNITED》抽水 網民笑:係專業「姜糖」

娛樂新聞
By Celia on 16 Jun 2021
Digital Editor

近日大家除咗每晚 11 點可以喺 ViuTV 節目《調教你 MIRROR》中見到佢哋 12 個之外,依日其中一位正值人氣巔峰嘅成員姜濤,連新聞報道都要借用吓呀。有線新聞報道日前喺公布消委會止汗劑測試報告時就配上姜濤喺維園打籃球嘅片段,並抽水大唱MIRROR歌曲《IGNITED》,更獲姜濤親自轉載!

Photo from 姜濤/IG

姜濤喺當紅組合 MIRROR 中可以話係人氣最高嘅一個嚟,繼之前 TVB 多次抽水後,今次就連有線電視喺一則止汗劑測試嘅新聞報道中亦用上姜濤喺維園打籃球嘅片段,更抽水大唱 MIRROR 嘅《IGNITED》中嘅「焫焫焫焫焫焫着」嚟形容更氣炎熱!

Photo from 有線新聞

報導中,主播正報道緊消委會對止汗劑嘅測試報告,而喺姜濤嘅配片中記者就直言:「烈日下打籃球,就快焫焫焫焫焫焫著,唔想成身臭汗味,止汗劑可能幫到你,消委會測試咗11款止汗劑…」

Photo from 有線新聞

巨星姜濤喺片中以市民嘅身份出鏡,同平時見到嘅形象好唔同,片中佢唔單止身穿黑色鬆身背心,仲素顏綁起瀏海露出罕見嘅額頭,卸去偶像包袱,重現青春一面。

Photo from 有線新聞

Photo from 有線新聞

而姜濤雖然被有線新聞抽水,更喺 IG 即時動態轉載整條新聞片留話:「。。。。。。。」,睇嚟佢一啲都唔介意但就有啲無言,相信今次抽水唔會再焫著一眾姜糖喇~

Photo from 姜濤/IG

不過今次其實唔係第一次 MIRROR 被新聞記者抽水,而喺上個月嘅母親節,主播張福軒亦曾以姜濤嘅歌《蒙著嘴說愛你》嘅歌詞「I Love You 只有愛恆久不枯」嚟表達對母親嘅愛意。

因此有網民就猜測記者會唔會都係專業嘅「姜糖」或「鏡粉」嚟,上次就只係用歌詞,今次就連片都配埋野生捕獲到嘅姜 B 打波,實在太厲害!

Photo from YT 截圖

Photo from YT 截圖

不過亦有網民指其實依條片並唔係新嘅片段嚟,事關片中嘅人並冇戴口罩,只係有線登搵姜 B 嘅舊片嚟配新聞。可見其人氣有幾勁,「姜濤效應」真係無處不在呀!

Photo from 姜濤/IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel