網友笑同事第一日返工就帶飯!指對方唔識social:第一日出嚟社會做嘢咩

網友笑同事第一日返工就帶飯!指對方唔識social:第一日出嚟社會做嘢咩

時事熱話
By Jennifer on 16 Jun 2021
Digital Editor

返新工好多時都會令人感到緊張,因為公司嘅人事關係、工作量等都會好大程度上影響到能否順利融入職場。而日前有網友喺討論區就指新同事返工第一日就帶飯,指佢唔識同同事交際,引起網友熱議。

返新工好多時都會令人感到緊張Photo from TVB

喺連登討論區有網友以「新同事第一日返工就帶飯」為題開post,樓主表示佢叫第一日返工嘅新同事出去lunch嘅時候遭到拒絕,對方表示帶咗飯。

樓主表示佢叫第一日返工嘅新同事出去lunch嘅時候遭到拒絕,對方表示帶咗飯。Photo from TVB

樓主大為不解:「正常新入職就預左同其他同事出去食飯 交流下la」,佢更指對方「勁無禮貌」:「第一日出黎社會做野?」

樓主大為不解:「正常新入職就預左同其他同事出去食飯 交流下la」Photo from TVB

TVBPhoto from TVB

雖然個post「假膠味濃」,但都有唔少網友認真留言分享睇法,有網友指第一日返工同同事食飯係應有嘅交際,不過有人唔認同:「出黎打份工奉旨應酬你? 你當你係咩呀?」

有網友指第一日返工同同事食飯係應有嘅交際,不過有人唔認同:「出黎打份工奉旨應酬你? 你當你係咩呀?」Photo from lihkg

孤獨的美食家Photo from 孤獨的美食家

有網民就表示第一日返工最好就唔好帶飯:「用lunch 摸下大家/公司既底」,亦有網友分享佢第一日返工以為成班同事會一齊出去食,所以無帶飯:「點知teamHead話宜家限聚,自己食自己」

有網民就表示第一日返工最好就唔好帶飯Photo from lihkg

有網友分享佢第一日返工以為成班同事會一齊出去食,所以無帶飯:「點知teamHead話宜家限聚,自己食自己」Photo from lihkg

TVBPhoto from TVB

第一日返工除咗食飯之外,工作上嘅事亦係其中一個重點,如果頭一日就要加班,相信會令人深感工作壓力超大。但有網友分享第一日返工嘅新同事竟然主動開OT,令佢非常驚訝。

有網友分享佢第一日返工以為成班同事會一齊出去食,所以無帶飯:「點知teamHead話宜家限聚,自己食自己」

廣告
廣告

有網友分享第一日返工嘅新同事竟然主動開OT,令佢非常驚訝。Photo from 我要準時下班

連登另一個post「同事第一日返工話有嘢忙,要ot」中樓主指有同事第一日返工,佢循例帶佢行下公司,比啲資料佢睇。樓主表示當日唔算太忙,所以一夠鐘放工佢就執嘢準備走。

樓主指有同事第一日返工,佢循例帶佢行下公司,比啲資料佢睇Photo from 我要準時下班

樓主表示當日唔算太忙,所以一夠鐘放工佢就執嘢準備走。Photo from 我要準時下班

但新同事竟然仲坐喺位工作,樓主忍唔住問:「收工啦喎,仲唔走?」,新同事表示:「你走先啦,我有嘢忙緊。」,樓主指新同事當時只係睇緊資料,唔明佢忙啲乜。

新同事竟然仲坐喺位工作Photo from TVB

新同事表示:「你走先啦,我有嘢忙緊。」

眼見新同事返工第一日就勁認真咁OT睇資料,令樓主感嘆:「琴日老細仲要岀咗去,唔知佢咁搏做乜。香港人真係好慘」

眼見新同事返工第一日就勁認真咁OT睇資料,令樓主感嘆:「琴日老細仲要岀咗去,唔知佢咁搏做乜。香港人真係好慘」Photo from TVB

網友表示呢位新同事「做爛市」,指佢「老細唔喺度都做戲」,不過亦有網民猜測新同事只係唔想同樓主同行放工就假扮OT,以免尷尬。

網友表示呢位新同事「做爛市」Photo from lihkg

lihkgPhoto from lihkg

有網民猜測新同事只係唔想同樓主同行放工就假扮OT,以免尷尬。Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel