download HolidaySmart 假期日常 app
港女不滿準姐夫近2萬元禮金少「有冇攪錯,依家公價係咁?」網民:咪咁肉酸

港女不滿準姐夫近2萬元禮金少「有冇攪錯,依家公價係咁?」網民:咪咁肉酸

生活熱話
By Cheryl on 18 Jun 2021
Digital Editor

情侶準備婚禮前,雙方家庭都要就禮金達成共識。最近,有女網民於網上討論區發文,不滿準姐夫只向女家付$19,888元禮金,佢嘅媽媽因怕得罪未來女婿所以接受,令女網民深感不忿,繼而望網民評理。

《野蠻奶奶大戰戈師奶》 TVB Photo from 《野蠻奶奶大戰戈師奶》 TVB

一名女網民於親子王國(Baby Kingdom)論壇發文,指佢嘅未來姐夫同佢媽媽商討禮金,並願意畀$19,888元。而且,準姐夫表示佢啲朋友、同事及親戚結婚時都係畀呢個數。女事主不滿金額太少,心諗:「有冇攪錯,依家公價係呢個數?」

《野蠻奶奶大戰戈師奶》 TVB Photo from 《野蠻奶奶大戰戈師奶》 TVB

雖然女事主不滿,但佢媽媽則因為唔想得罪準女婿,本身亦係名不懂拒絕嘅人,所以先勉強答應。至於女事主家姐,則沒有對禮金問題表態,「話禮金唔關佢事。等媽媽決定。」

《寶寶大過天》 TVBPhoto from 《寶寶大過天》 TVB

《野蠻奶奶大戰戈師奶》 TVB Photo from 《野蠻奶奶大戰戈師奶》 TVB

事主稱,準姐夫月薪超過3萬元,所以認為佢有能力支付更高金額嘅禮金。有網民回應,指自己有親戚都係逗咁多人工,結婚時支付大約10萬元禮金。女事主回覆指,佢並非要求男家畀咁高額,認為佢畀3萬多元已經可以,可惜自己媽媽唔敢爭取。

《寶寶大過天》 TVBPhoto from 《寶寶大過天》 TVB

親自王國 評論Photo from 親自王國 評論

對於禮金多少嘅議題,網民都有一番爭論。唔少人覺得$19,888元禮金並無問題,亦唔存在「公價」,認為呢啲門面嘢應該搵外母商量,「唔好講咩公價咁肉酸啦」。

親自王國 評論Photo from 親自王國 評論

親自王國 評論Photo from 親自王國 評論

有網民稱好多女家甚至唔收禮金,「唔明$19888有咩問題? 嫌少?」,女事主回應,指問題重點係準姐夫「拖其他親朋戚友來講」,將金額數目合理化。

親自王國 評論Photo from 親自王國 評論

亦有網民認為,事主嫌禮金太少嘅話,可以叫佢家姐私下「補數」,免得尷尬,假若籌備階段已「開壞個頭」,可能連婚都結唔成。

親自王國 評論Photo from 親自王國 評論

不過,亦有網民同意事主想法,認為$19,888禮金太少,「佢好無誠意」、「十幾年前唔係已經5萬喇咩?」

《野蠻奶奶大戰戈師奶》TVB Photo from 《野蠻奶奶大戰戈師奶》TVB

親自王國 評論Photo from 親自王國 評論

親自王國 評論Photo from 親自王國 評論

仲有網民表示自己25年前嘅結婚禮金已經達2萬元,而且當年算少,相信現今「公價」唔只$19,888。不過,佢同時覺得,禮金只係心意,大家傾好個數就得。

親自王國 評論Photo from 親自王國 評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel