download HolidaySmart 假期日常 app
杜汶澤強調同劉德華勢不兩立!不滿被指住華仔豪宅度日 「因為咁先反面!」

杜汶澤強調同劉德華勢不兩立!不滿被指住華仔豪宅度日 「因為咁先反面!」

娛樂新聞
By Cheryl on 17 Jun 2021
Digital Editor

藝人杜汶澤現時身在台灣,日前,佢突然喺社交平台貼出一則指佢曾多次投靠天王劉德華嘅報道,嬲爆澄清自己無如新聞所指,曾借住劉德華豪宅、及要求對方投資電影,又透露自己因為一個原因先同劉德華反面,引起網民熱議。

杜汶澤 FBPhoto from 杜汶澤 FB

杜汶澤近年主力經營自家影片頻道,亦經常關注本土及台灣政治議題。向來敢言嘅佢,言論不時引起網民熱議。日前,佢喺Facebook上載一幅新聞截圖,內容有關杜汶澤十幾年前嘅不實謠言。對於虛假舊聞被翻炒,佢都非常憤怒,並發文強烈譴責該媒體,同時為自己澄清。

《視點31》 RTHKPhoto from 《視點31》 RTHK

有指,杜汶澤喺多年前拍攝電影《無間道》時無名氣、收入又不穩。所以,劉德華當時就將自己嘅豪宅借畀佢住,仲為撐杜汶澤而做佢伴郎。

《無間道》截圖Photo from 《無間道》截圖

對此,杜汶澤否認傳聞,激動反駁:「我二十年前每個月付三萬港幣的租金算特別便宜嗎?」

《視點31》 RTHKPhoto from 《視點31》 RTHK

杜汶澤 FBPhoto from 杜汶澤 FB

該報道又指,杜汶澤於2006年擔任監製及男主角嘅電影《伊莎貝拉》叫好不叫座,但杜汶澤依然要求劉德華投資畀佢拍續集,然後遭到華仔拒絕,二人從此反目成仇。

《伊莎貝拉》 Junzhao Li YouutbePhoto from 《伊莎貝拉》 Junzhao Li Youutbe

杜汶澤亦再次反駁:「我有叫過他(劉德華)投資我嗎?那時我老闆是林建岳,這姓劉的比他更有錢嗎?」

《視點31》 RTHKPhoto from 《視點31》 RTHK

杜汶澤 FBPhoto from 杜汶澤 FB

澄清過後,杜汶澤遂透露佢同劉德華一直和平相處。直至近年,杜汶澤不滿對方嘅政治取態,認為佢同香港人「對著幹」,自此先同劉德華勢不兩立。

《無間道》截圖Photo from 《無間道》截圖

《走佬去臺灣》 ViuTVPhoto from 《走佬去臺灣》 ViuTV

杜汶澤 FBPhoto from 杜汶澤 FB

帖文最後,杜汶澤不忘爆粗表示自己對假新聞攻擊將採取零容忍立場。其支持者亦有留言安慰佢,認為人紅是非多,亦支持佢反擊不實報道。

杜汶澤 FB評論Photo from 杜汶澤 FB評論

杜汶澤 FB評論Photo from 杜汶澤 FB評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel