港女結婚前夕發現男友用交友app識女仔想分手 網民分享呢4個情況交友app必定遇到！

現時唔少人都會利用玩交友APP去認識另一半，藉此增加自己嘅桃花運！近日，有位港女就話發現男友居然有用交友APP認識女仔嘅習慣，但兩人一齊多年並且正準備結婚，令港女不禁猶豫應唔應該繼續同男友一齊落去，引起網民熱議。

Photo from TVB

現時使用交友APP已經變得越來越普遍，用嘅人數比以前多咗。日前，有位港女就喺連登討論區大吐苦水，表示發現男友竟然一直都有玩交友APP認識女仔！仲會同其他女仔講自己係單身，並且同多位女士交換FB或者IG帳號聯絡，令佢十分驚訝。

Photo from 連登討論區

港女就話男友比佢大6至7年，兩人已經同居咗2年，準備結婚。佢表示自己好後悔過份信任男友，並且話兩人有太多美好嘅回憶，令佢唔捨得放手！最過份嘅係佢竟然發現佢朋友有男友嘅FB，喺詢問之下朋友竟然同佢講係交友APP認識嘅。

Photo from TVB

港女發現呢件事後，令佢對同男友結婚一事有少少卻步。但由於自己嘅年紀唔細，已經三十幾歲，令佢不禁擔心分手後，可能好難再搵另一半，所以就決定詢問網民嘅意見！

Photo from TVB

大部份網民都話認為港女應該儘早放棄呢段感情，留言話「怕難搵到另一半，你離左婚就真係難搵」、「都未結婚就已經開始撩女」等，希望港女及早離開男友；有部分網民就覺得如果港女可以「隻眼開隻眼閉」，接受到男友處處留情，其實呢件事只係小事。

Photo from 連登討論區

Photo from 連登討論區

其實好多網民都經常會喺討論區分享交友APP遇到嘅「趣事」，而家就等我哋一齊睇下交友app嘅4大常態啦～

被已讀不回

呢個大概係網民使用交友APP時必定會遇到嘅情況，就算大家成功同其他用家匹配到，都未必能夠延續話題。好多時大家都只係「一句起兩句止」，有時對方甚至會已讀不回，令呢段網上情緣無疾而終。

Photo from 連登討論區

Photo from TVB

難搵真心想拍拖嘅人

好多用過交友APP嘅網民都話，好多時遇到嘅人都並非想要一段長久穩定嘅感情，而係貪圖「一夜情」呢類型嘅速食戀愛，令唔少真心想搵伴侶嘅人都覺得好灰心！

Photo from TVB

被人用假相欺騙

網絡世界好多都係虛擬嘅，好多嘢都唔可以完全信曬！有女網民就喺Dcard討論區分享，表示自己係交友APP遇到相片睇落幾靚仔嘅男仔，兩人相約一齊食飯。點知當大家出嚟見面嘅時候，就發現對方竟然係一位中年大叔，而且同照片上嘅樣貌完全唔同，令佢嚇咗一跳！

Photo from TVB

Photo from Dcard討論區

遇到推銷員

有好多網民都表示而家多咗推銷員借交友APP去幫自己拓展業務。根據網民分享嘅經驗，「高招」嘅佢哋通常都會好平常咁同你傾下閒計，等大家有咗基本嘅了解後，先會開始推銷自己嘅產品。一不小心就好容易墮入呢啲陷阱，呢個現象令好多網民都話「其實遇到話自己做marketing嘅就可以唔洗繼續傾」！

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）