周柏豪經歷多次被結婚/MIRROR成員垃圾袋被翻查 盤點8個瘋狂粉絲行為！

追星文化一直都存在，而有部分粉絲仲因為太過喜歡偶像，而做出比較瘋狂嘅行為！以下就等我哋一齊睇下有邊幾位藝人曾經遇過狂熱嘅粉絲啦～

Photo from 官恩娜IG

 MIRROR

MIRROR嘅粉絲們一向都好落力支持自己嘅偶像，不過有部分粉絲就因為太過迷戀佢哋，而做出比較過火嘅行為。喺拍攝節目《調教你MIRROR》時，就已經有一班粉絲專程去梅窩見佢哋。近日，成員們就喺節目中講出部分粉絲曾經做出嘅過火行為：跟返屋企、翻佢哋嘅垃圾袋、拍下家人嘅車牌等，以上種種行為都為佢哋嘅生活同家人帶來不便。

Photo from MIRROR FB

Photo from MIRROR FB

周柏豪

一講起周柏豪，相信好多人都會諗起曾經迷戀佢嘅瘋狂粉絲！其中一位就係非常出名嘅岑晉晴，佢經常都會幻想自己就係周柏豪嘅女友，並且經常係周柏豪嘅post留言，態度親䁥，包括有「柏豪我搬去你家長住好嗎？」等，引起網民熱議。後來，周柏豪結婚，佢非常傷心留言表示「愛情只不過係過眼雲煙」，到而家依然尋覓緊新對象！

Photo from 周柏豪FB

Photo from 周柏豪FB

仲有一位粉絲係叫Linda，佢當時就喺社交網站發post咗一張印有「Linda and Pakho Chau」嘅喜帖，仲上載自己穿上婚紗同其他結婚用品嘅照片，非常認真！

Photo from 微博

官恩娜

2006年，官恩娜出席公開活動時，主持人就邀請在場觀眾上台互動，期間男子行為古怪，而被請下台。點知喺男子離開之際，佢突然抱住官恩娜，並且強吻佢接近10秒，令官恩娜嚇到即刻大喊！

Photo from 有線娛樂新聞台

謝霆鋒

2006年，謝霆鋒喺內地武漢出席完簽名會，有位女粉絲係送完謝霆鋒去機場之後，懷疑因為太傷心而跳河尋死。幸好，女粉絲經過及時搶救後並冇生命危險。事後，女粉絲表示跳河係同謝霆鋒離開有關，而謝霆鋒知道後好震驚，公開勸喻歌迷唔好做出傷害自己嘅行為。

Photo from 謝霆鋒微博

黎明

2000年，一位女粉絲因為深愛黎明，瘋狂購買全部有關黎明嘅商品，導致自己欠下大約20萬嘅卡數，被人不停追債。後來，佢被發現喺家中吞下大量安眠藥自殺身亡。

Photo from TVB

劉德華

相信大家都應該知道劉德華有一位非常癡情嘅粉絲叫楊麗娟，係一位來自甘肅蘭州嘅粉絲。據悉佢16歲嘅時候開始迷戀劉德華，楊父為咗令女兒可以嚟香港見偶像一面而賣腎籌錢。2007年，佢哋成功嚟香港參加劉德華嘅粉絲見面會，不過楊麗娟因為未能同劉德華單獨共處，而感到不滿。楊父喺見面會後寫完抗議信就喺跳海身亡，事件引起大眾關注！

Photo from 《鲁豫有約》

Photo from 《拆彈專家2》 FB

周杰倫

2005年，周杰倫喺廣州演唱會公布自己兩年內都唔會舉辦演唱會，令當時喺台下嘅17歲青年周楓大受打擊，佢好絕望咁一下子吞下30粒安眠藥企圖自殺。幸好，經醫生搶救及時救回，佢事後表示周杰倫係佢嘅精神支柱，無法接受將會有2年時間見到唔到偶像。

Photo from 周杰倫FB

Photo from 周杰倫FB

孫燕姿

有唔少粉絲都會想仿效偶像嘅一舉一動，不過有一位粉絲竟然將花大量金錢整容，將自己嘅樣貌變成同偶像孫燕姿一模一樣！由節目中嘅片段，佢就好似「翻版孫燕姿」咁，令在場嘅主持人同觀眾都嚇一跳！

Photo from 《齊天大勝》

Photo from 孫燕姿FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）