港女因表妹一家重男輕女感到憤怒 全部家用俾哥哥交租 網民反應兩極！

父母偏心係好多人都可能會遇到嘅問題，不過偏心得太誇張就好容易破壞到家人之間嘅關係！日前，有位港女就替佢表妹感到唔公平，事關表妹發現母親將佢俾嘅家用幫哥哥交房租，令唔少網民都覺得非常誇張！

Photo from TVB

相信父母偏心係導致好多家庭唔和諧嘅主因，而父母嘅呢種行為其實無形中為子女帶來好大嘅傷害。最近，有位港女就喺香港討論區出post，替表妹抱打不平，認為佢哋一家人實在太重男輕女！

Photo from 香港討論區

港女就表示表妹一向都好孝順乖巧，每個月都交一半嘅人工俾家人作為家用。而表妹嘅哥哥（即表哥）就喺出面租樓住，每個月都要交大約2萬港幣嘅房租。最近，表妹就因為加咗少少人工，而被母親要求再俾多啲家用。不過，表妹就發現母親原來係將家用俾哥哥去幫補房租。

Photo from TVB

表妹知道後，才明白母親點解成日都話自己唔夠錢用，佢感到非常傷心哭咗一整晚！港女眼見表哥連家用都唔俾，仲有自己嘅妹妹幫手交租；而表妹就只係得翻半個月人工，令佢不禁覺得「知佢哋一向重男輕女，但冇諗過係咁嚴重」！

Photo from TVB

唔少網民都認為表妹一家實在太過分，估唔到而家都仲有如此「重男輕女」嘅家庭，認為表妹嘅遭遇十分可憐；有網民就提議表妹應該搬出去住，儘早脫離家人嘅「魔掌」！

Photo from 香港討論區

Photo from 香港討論區

另一方面，有網民就認為表妹俾咗家用就已經係母親嘅錢，冇權利管母親如何用錢。亦有網民覺得其實都係一家人，何必咁計較呢！唔知大家又對呢件事有咩睇法呢？

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）