袁偉豪嫌拍檔黃智雯腳頭唔好 自爆近兩年無咩收入  網民:咁樣供得起豪宅?!

袁偉豪嫌拍檔黃智雯腳頭唔好 自爆近兩年無咩收入 網民:咁樣供得起豪宅?!

娛樂新聞
By Cheryl on 21 Jun 2021
Digital Editor

男藝人袁偉豪日前同黃智雯等一班《刑偵日記》演員於TVB節目《開心大綜藝》亮相,接受林盛斌(Bob)及江美儀嘅《Mean Talk》問答環節。被問到最唔想再同劇中邊位藝人合作時,袁偉豪直言係黃智雯(Mandy),佢解釋自從同Mandy合作後,近兩年無嘢做。雖然佢咁講疑似係講笑,但有網民諗起佢早前堅稱自己有供樓言論,都好奇佢點樣供得起豪宅。

袁偉豪 FBPhoto from 袁偉豪 FB

日前,袁偉豪同黎諾懿、王浩信、黃智雯、菊梓喬、戴祖儀一班《刑偵日記》演員現身《開心大綜藝》,佢哋即席回答主持江美儀、林盛斌問嘅大膽問題。

《開心大綜藝》TVBPhoto from 《開心大綜藝》TVB

輪到袁偉豪時,佢被問及:「劇中邊位你係最唔想再合作?」。佢未開口,黎諾懿就搶先回答:「黃智雯!」,袁偉豪表示黎諾懿估中,遂解釋原因:「黃智雯唔乞人憎,佢啲戲好好,對朋友、同事好好,佢對我都ok,同佢合作亦不錯。不過,早兩年同佢攞完雙料視帝視后之後,嘩!唔得,呢兩年好差,無嘢做。」

《開心大綜藝》TVBPhoto from 《開心大綜藝》TVB

《開心大綜藝》TVBPhoto from 《開心大綜藝》TVB

江美儀聽罷即問:「即係佢(黃智雯)腳頭唔好?」,袁偉豪表示唔知道。之後,黃智雯反駁:「但你之後結婚喎~ 」,江美儀亦表示:「你呢家有個好老婆!」,袁偉豪回應:「個個以為我結婚後唔使做,但唔係咁嘅,否則我今日嚟呢度(拍節目)做咩?」

《開心大綜藝》TVBPhoto from 《開心大綜藝》TVB

廣告
廣告

《開心大綜藝》TVBPhoto from 《開心大綜藝》TVB

《開心大綜藝》TVBPhoto from 《開心大綜藝》TVB

袁偉豪自爆近兩年近乎無工作後 ,有網民回想起佢早前透露不甘被指外父送樓事件。有報道指,張寶兒爸爸當年豪送物業畀女兒作嫁妝,而兩人婚後入住6千多萬愛巢,袁偉豪更被封為「千億駙馬」。袁偉豪不滿外界點評,直言:「層樓我唔洗供咩?」。而早前,TVB節目《東張西望》都幫二人計算過,以6千5百多萬嘅樓價嚟講,就算二人首置,慳咗幾百萬印花稅,向銀行貸款5成,每月都要接近供13萬。

袁偉豪 IGPhoto from 袁偉豪 IG

《東張西望》TVBPhoto from 《東張西望》TVB

所以,對於袁偉豪日前於節目透露自己呢兩年無咩收入,有網民問道:「佢之前堅稱自己有份供豪宅,但呢兩年無咩收入又點供呢?」,雖然有人認為佢言論有矛盾,但亦有網友表示:「呢啲都係夫妻間嘅事,佢兩個協調到,雙方能夠和睦共處咪得,論唔到外界批判。」

袁偉豪 IGPhoto from 袁偉豪 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel