港男欲娶內地女友 遭媽媽堅決反對「佢貪你老豆啲樓咋！」網民：見都未見過係伏啲

拍拖係兩人之間嘅事，但結婚往往需要雙方家庭嘅協調，如果有家人反對，婚事將難以順利進行。近日，有港男上網大吐苦水，指佢哥哥想與拍拖半年嘅內地女友結婚，婚後遷往內地，但雙方家庭素未謀面，父母因而有保留，媽媽更認為女方只貪圖佢哋喺內地擁有嘅物業，所以急於結婚。為此，哥哥終日與媽媽吵架，令身為弟弟嘅事主大感煩惱，遂向網民求助。

Photo from 《兄弟》 TVB

最近，一名港男於香港討論區發文表示，佢哥哥半年前喺內地認識了現時女友，最近打算拉埋天窗，婚後更想搬往內地生活。事主亦補充，哥哥每次拍拖都會想同交往對象結婚。

Photo from 《反黑路人甲》TVB

Photo from 香港討論區

不過，兩邊家庭卻從未會面，因此，事主爸爸認為雙方家人應該先見面進行了解。事主亦問過哥哥有關女方家人對婚事有何睇法，但後者坦言女方家人未知此事。被問若果婚事被反對會如何處理，事主哥哥更直言唔會理會其家人睇法，一定照樣結婚。

Photo from 《兄弟》 TVB

而事主媽媽則比爸爸更強烈反對婚事，由於事主爸爸喺內地有樓收租，亦表明將來會將4棟物業平分予兩兄弟；而媽媽都知道女方曾到訪佢哋喺內地擁有嘅住所，所以認定女方只係貪圖物業先同事主哥哥拍拖。

Photo from 香港討論區

哥哥想盡快結婚，但媽媽堅決反對，認為女方只係睇中爸爸嘅樓，雙方有嚴重分歧導致經常吵架。事主大感無奈，指佢同爸爸「無聲出」。

Photo from 《愛回家之開心速遞》 TVB

事主認為，喺媽媽眼中，「邊個都係貪，唔通有樓就要單身咩，點先可以改變佢想法」。

Photo from 《兄弟》 TVB

Photo from 香港討論區

有網民認為，事主哥哥未曾帶女友出嚟見家長有一定責任，喺咁嘅情況下，父母對婚事無信心都正常，「換位思考一下就會理解很多」。

Photo from 香港討論區

Photo from 香港討論區

但有其他網民覺得女方未必係貪錢先想結婚，「有兩層大陸樓都唔係好有錢，叫你阿哥了解多啲先談婚論嫁囉。」、「你阿哥鍾意咪有得佢囉，結婚又有咩出奇姐，話佢貪錢佢娶邊個都係咁話㗎啦」。亦有人認為，要視乎事主一家嘅物業位於內地邊個城市先能判斷女方是否貪「樓」才結婚。

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）