《聲夢傳奇》姚焯菲父母跟到實疑避吳業坤！《戀愛預告》view數被指有水份

《聲夢傳奇》播出後備受關注，尤其係炎明熹（Gigi）同姚焯菲（Chantel），佢哋年紀輕輕但係大熱人選，早前有指姚焯菲已簽約TVB五年，對於傳聞，Chantel未有否認。

《聲夢傳奇》十強早已誕生，經過6輪比賽後，現時大熱門係16歲嘅炎明熹同14歲嘅姚焯菲。佢哋憑卓越嘅唱功需備受矚目。

其中姚焯菲唱《戀愛預告》嘅YouTube片段點擊率已突破250萬，Chantel更獲封為「國民初戀」，對比起另一大熱炎明熹唱嘅《沒有你還是愛你》 ，雖然比起《戀愛預告》早兩星期，view數有160萬，不過Chantel後勁凌厲，反超Gigi差唔多100萬！

Chantel成為近期紅人，有指佢家境富貴，父母係會計師，更為方便女兒返學，豪擲$2000萬搬去學校附近居住，不過Chantel澄清佢由細到大都無搬過屋，對於已簽約TVB 5年嘅傳聞佢亦未有否認，只表示會盡可能兼顧兩邊，但一定以學業為重。而Gigi就指應該大家都收到TVB簽約邀請，不過佢表示自己未簽，仲要考慮下。

姚焯菲嘅魅力更迷倒吳業坤，坤哥多次公開提及Chantel，又話係佢歌迷會會長：「（Chantel）回訊息我已經死而無憾。」，Chantel出入都有爸爸跟到實，被指係為免「怪叔叔」吳業坤接近，Chantel表示同坤哥無關：「屋企人關心我姐。」

Chantel《戀愛預告》咁紅，更有網友留言指：「兩個未出道嘅聯手輕鬆打冧左隔離班阿叔」，點擊率節節上升，但view數被指「非常古惑」，有網民就列舉數據指view數同engagement唔成正比，質疑《戀愛預告》點擊率「水分比較多」。

新一代偶像組合MIRROR嘅最新歌曲《Boss》MV推出近兩星期，view數近150萬，12位成員嘅fans大讚MV勁正，不過點擊率未能超越Chantel《戀愛預告》。

有唔少鏡粉號召大家loop MV：「大家谷多啲view數，隔離台又要比多啲錢買view，我哋幫佢燒錢」、「鏡粉們我地要一齊努力loop啊」、「有冇人係日日夜夜，返工返學，放工放學無限reloop只為衝高view數」

有留言指《聲夢傳奇》買咗view數：「翻唱一堆咁過時嘅廣東歌都有咁多view真係好假」、「隔離台真係買view買得好猖狂」

亦有fans呼籲唔好過度追求view數：「其實見到鏡仔嘅進步已經好開心，又唔需要同人鬥嘅」、「唔好再話星夢條片買view，因為咁樣會令外界對鏡粉嘅印象唔好」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

聲夢傳奇｜ 黃奕斌被爆曾整容/節目講大話？ 15歲詹天文同冼靖峰熱戀中?!

16 Jun 2021

TVB歌唱選秀節目《聲夢傳奇》最後10強就已經誕生，參賽者們嘅「鬥爭」都非常激烈！最近，有網民大爆冼靖峰（Archie）同詹天文(Windy)疑似拍拖，而另一位參賽者黃奕斌（Hugo）就被爆曾經整容，引起網民熱議！

Photo from 冼靖峰IG

TVB《聲夢傳奇》最近就已經誕生咗10強，其中唔少參賽者嘅表演都引起咗網民嘅關注，而姚焯菲（Chantel）仲被封為「國民初戀」！隨住越來越多人關注呢班參賽者，最近網上就開始有唔少關於佢哋嘅爆料。

Photo from 鍾柔美IG

Photo from 姚焯菲IG

其中一個post就直指「W & A 疑似一齊」，W就代表年僅15歲嘅詹天文(Windy)；而A就代表冼靖峰（Archie）。雖然該網民就冇其他明確嘅證據證明兩人嘅關係，大家都認為只係傳聞，不過就有唔少網民留言提醒年紀輕輕嘅Windy要小心！

Photo from 冼靖峰IG

Photo from 詹天文IG

而另一位參賽者黃奕斌（Hugo）就被網民大爆以前嘅往事，現時21歲嘅佢喺新加坡讀中學，後來仲考上北京中央戲劇學院，不過就因為參加比賽而延期畢業。佢就曾表示希望參加比賽可以向家人證明佢並非只係識得做戲，仲唱得跳得！

Photo from 《聲夢傳奇》

Photo from 《聲夢傳奇》

網民就爆料表示Hugo曾經整容整個鼻，熱愛唱歌嘅佢仲曾經同姜濤一樣參加過《快樂男聲》，不過佢就因為太低分而遭到淘汰；姜濤就晉身到30強先止步。

Photo from 連登討論區

Photo from 快樂男聲

該網民仲表示從Hugo嘅抖音帳戶就可以證明佢曾經改過名，而實際上佢喺南京就讀中學，而並非喺節目中提及過嘅新加玻，大爆佢喺節目中講假話！而佢入讀中央戲劇學院時嘅訪問片段亦被翻出，由於樣貌同而家差唔多，網民都認為片段中嘅佢應該已經「整咗」。

Photo from 連登討論區

Photo from 中新社

有網民就表示認為Hugo而家嘅樣貌好假，一睇就知有微調過；亦有網民表示唔明白點解佢唱功一般，但依然可以晉身最後10強！

Photo from 連登討論區

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）