內地網紅錯手將自己樣貌曝光 真面目嚇退40萬粉絲 被逼刪帳戶!

內地網紅錯手將自己樣貌曝光 真面目嚇退40萬粉絲 被逼刪帳戶!

ByStephanie on 22 Jun 2021

近來,直播平台變得越來越盛行,令唔少素人都因此而成為咗網紅~日前,有位內地網紅「你的小夢」就因為唔小心將自己嘅「真面目」公開,嚇親40萬位粉絲。而罪魁禍首竟然係iPhone嘅內置功能?!

抖音
Photo from 抖音

呢幾年直播平台變得好普遍,唔少素人都大晒自己嘅一技之長,吸引大量粉絲追蹤。內地抖音網紅「你的小夢」以姣好嘅身材而出名,而佢亦從來冇喺影片中曝光自己嘅樣貌,經常都會用墨鏡、濾鏡等遮蓋樣貌,為自己增添咗幾分神秘感,引起網民嘅熱議!

 抖音

平時「你的小夢」多數都係同大家分享佢嘅日常生活,亦會大晒身材露出長腿、小蠻腰拍短片跳舞,打扮風格多樣化,深得唔少宅男粉絲嘅喜歡~其實「你的小夢」就曾經喺微博上載過自己嘅自拍照,相中嘅佢眼睛大大、皮膚白皙,樣貌十分甜美,令唔少網民覺得佢身材加樣貌都兼備,果然係女神啊!

 抖音
Photo from 抖音

微博
Photo from 微博

最近,微博就正在瘋傳一張疑似係「你的小夢」自拍時將容貌曝光嘅照片,一向都好謹慎嘅佢今次竟然因為忘記關掉iPhone嘅內置Live Photo功能,而導致「真面目」曝光!只見照片中嘅佢,身穿白色貼身短裙顯露自己嘅身材線條,手上攞住可愛嘅兔仔公仔,好似平時一樣用手機遮蓋容貌。

微博
Photo from 微博

不過,就喺「你的小夢」將自己手機放低時,佢毫無修飾嘅素顏就公諸於世喇!只見素顏嘅佢雙眼比較無神,亦好似有少少暴牙,同網民心目中嘅樣貌有好大分別。

廣告
廣告

微博
Photo from 微博

微博
Photo from 微博

好多粉絲都表示受到好大嘅衝擊,紛紛留言話係「簡直係大騙案!」、「超尷尬!」;但亦都有網民認為「你的小夢」原本就只係晒身材,認為佢起碼都仲有身材係真嘅。不過大部份網民都偏向認為佢欺騙大眾,而對佢作出起底。

抖音
Photo from 抖音

微博
Photo from 微博

由於事件引起好大迴響,導致「你的小夢」嘅微博同抖音帳號都被網民惡意留言,嚴重影響佢嘅日常生活,所有佢現時已經將帳號註銷咗。

微博
Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

 

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook