download HolidaySmart 假期日常 app
視后蔡思貝親證有人開200萬邀請出席飯局!落淚談辛酸史曾住二百呎瞓碌架床

視后蔡思貝親證有人開200萬邀請出席飯局!落淚談辛酸史曾住二百呎瞓碌架床

娛樂新聞
By Jennifer on 22 Jun 2021
Digital Editor

江美儀、Bob(林盛斌)主持嘅《Mean Talk》新一集請嚟蔡思貝、賴慰玲、何雁詩做嘉賓,視后蔡思貝喺節目中坦言被封「姣精」感到唔開心,又公開「被問價」短訊,自揭入行以嚟經歷嘅辛酸。

江美儀、Bob(林盛斌)主持嘅《Mean Talk》新一集請嚟蔡思貝、賴慰玲、何雁詩做嘉賓Photo from TVB

蔡思貝參選2013年嘅香港小姐並奪得亞軍,入行後演出機會甚多,出道兩年即喺《衝線》擔任第一女主角,更喺2020年《萬千星輝頒獎典禮》中憑《踩過界2》「癲姐」一角奪得「最佳女主角」榮升為視后。

蔡思貝喺2020年《萬千星輝頒獎典禮》中憑《踩過界2》「癲姐」一角奪得「最佳女主角」榮升為視后。Photo from 蔡思貝IG

作為史上第二年輕奪獎嘅視后,蔡思貝嘅感情生活亦相當豐富,Bob直言佢入行7年一共有15單緋聞,當中包括佢拍電視劇嘅拍檔。

Bob直言蔡思貝入行7年一共有15單緋聞Photo from TVB

蔡思貝、王浩信Photo from TVB

因為緋聞多多,蔡思貝更被封為「姣精」。對此蔡思貝坦然有覺得唔開心,但佢指被人咁講都係有原因,承認入行頭幾年自己唔太識避忌:「當係跌一下上一課。」

因為緋聞多多,蔡思貝更被封為「姣精」。對此蔡思貝坦然有覺得唔開心Photo from 蔡思貝IG

之後江美儀就問佢被指「突然富貴」、豪擲千萬買車,好姊妹賴慰玲、何雁詩即幫口指蔡思貝平日好節儉先有咁多積蓄,阿Bob亦表示對方架車「cheap到拎去劏都未必值$3,000、$4,000。」

江美儀就問佢被指「突然富貴」、豪擲千萬買車,好姊妹賴慰玲、何雁詩即幫口指蔡思貝平日好節儉先有咁多積蓄Photo from TVB

TVBPhoto from TVB

提到呢度未知係味觸及蔡思貝嘅傷心事,佢忍唔住落淚公開自己入行辛酸史,指一路以嚟無論外界、傳媒講咩佢一次都無澄清過:「有啲人辛酸會公諸於世,我唔係咁,我懶係有骨氣。」,佢表示自己一直都專注工作:「無人知所謂女一住200呎、瞓碌架床。」

蔡思貝忍唔住落淚公開自己入行辛酸史

TVBPhoto from TVB

之後主持講到「娛樂圈問價」事件,蔡思貝坦言曾被問價,佢更直接拎手機出嚟向主持展示問價短訊,蔡思貝透露佢試過被問價,更有人開$200萬邀請佢出席飯局!

蔡思貝坦言曾被問價Photo from 蔡思貝IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

蔡思貝Staycation唔著底底 姊妹睇到眼都突!何雁詩爭仔不敵蔡思貝無損閨蜜情?

23 Mar 2021

由Bob同麥玲玲所主持嘅《Master's Talk師父有請》,最新一集就邀請咗三位好閨蜜何雁詩、蔡思貝同埋賴慰玲上佢哋節目做嘉賓。佢哋三個互相爆料,關係親密,無論喺心靈上定肉體上都非常赤裸,令主持人都不禁羨慕佢哋嘅好感情~

何雁詩IGPhoto from 何雁詩IG

今期《Master's Talk師父有請》嘅主題係閨蜜,所以佢哋就邀請咗公認圈中好姐妹團嘅何雁詩、蔡思貝同埋賴慰玲。原來除咗佢哋三個之外,仲有陳瀅、吳嘉熙及陳嘉寶,仲話佢哋一齊起咗個團名叫做「SIXTERS」。

賴慰玲IGPhoto from 賴慰玲IG

Bob喺一開始就先比咗個小測試嚟睇下佢哋親密程度,當被問到眾人嘅星座時,大家都口啞啞,所以問題改成眾人嘅生日日期。當問到何雁詩嘅生日時,賴慰玲就好有自信咁搶答「9月17日!」,點知正確嘅日期應該係11月2日!搞到何雁詩忍唔住笑到流淚,仲被眾人講笑咁話「大獲!佢喊喇!」

何雁詩IGPhoto from 何雁詩IG

另一位主持人麥玲玲就話內地有句名言「防火、防盜、防閨密」,所以啲人成日話女仔嘅世界係好難有真朋友。佢哋就話其實6個人嘅性格都好唔一樣,即使討論緊同一件事都會有各自嘅觀點,所以彼此從來都唔會比較。

賴慰玲IGPhoto from 賴慰玲IG

而佢哋就話大家身體上同心靈上嘅透明度都好高!賴慰玲就爆料話有次佢哋全部人一齊去 staycation,而蔡思貝剛剛返到香港,行李唔喺身邊。當佢哋所有人都換曬浴袍嘅時候,就發現蔡思貝即使坐得好端正,但都比大家睇到佢走光。

蔡思貝IGPhoto from 蔡思貝IG

佢哋亦表示因為成長背景同性格唔一樣嘅關係,所以擇偶條件都唔同。而唯一會令佢哋成個姊妹團瘋狂嘅男仔就係賴慰玲嘅三歲仔仔Marat ! 賴慰玲就話五位好姐妹都係仔仔嘅契媽,而仔仔就最鍾意蔡思貝,因為佢夠煩~

賴慰玲IGPhoto from 賴慰玲IG

賴慰玲IGPhoto from 賴慰玲IG

節目中,多緋聞嘅蔡思貝就被問到同余德丞、張振朗嘅關係,佢就直言同兩位嘅友情都係建基於工作上,並無私下約出嚟。而Bob就爆話余德丞曾經拍攝時玩「真心話大冒險」,話會揀蔡思貝做女朋友。佢就反駁話「外型係佢鍾意嘅,但靈魂唔係,因為我哋都太麻甩。」

蔡思貝IGPhoto from 蔡思貝IG

蔡思貝IGPhoto from 蔡思貝IG

最後,佢哋仲話希望6姐妹可以一齊合作拍戲,何雁詩就表示自己想演「企街」擺脫平常斯文形象,陳瀅扮演虔誠基督徒,賴慰玲就演唔識做戲嘅演員。仲講笑咁話希望快啲有投資者可以滿足佢哋~

何雁詩IGPhoto from 何雁詩IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel