打工仔見上司午餐只食方包！深感份工無前途決定辭職！

打工仔跟到一個好上司唔係咁容易，近日喺Twitter就有網友分享一位打工仔因為見到上司嘅午餐，即毅然決定要辭職，因為唔想好似上司咁無前途，引起熱議，有唔少網民都分享咗佢哋嘅個人經歷。

工作嚟講，遇到一個好上司同晉升機會都係其中一啲考慮因素。有唔少打工仔都會因為呢啲原因而離職。

近日Twitter上日本網友分享嘅事情就成為網絡熱話，有唔少網民都有共鳴，更分享埋佢哋嘅個人經歷添！

Twitter用戶えばたのお姉さん（@gomashio_999）表示佢見過好多人辭職，其中佢覺得最厲害嘅一位係喺踏入職場第二年嘅員工，佢因為見到上司午餐都仲係食緊方包，於是就決定辭職。

呢條Twitter令非常多網民有共鳴，佢哋認為咁反映咗間公司無前途，就算工作表現好好、升職，生活質素都無提升到，反而仲要捱麵包。

亦有做上司嘅網友表示認同：「呢個就係點解我帶我嘅下屬去酒店食lunch和同訂西裝嘅原因。喺人力資源方面，令下屬同求職者認為『我想成為咁嘅人』好重要。」

呢個話題更吸引電視台節目《羽鳥慎一モーニングショー》報道，節目組採訪咗唔同嘅打工仔，有人表示當見到上司眼鏡爛咗都只係配返望落只值3,000円（約港幣$211）嘅新眼鏡時就覺得做到經理級都只係咁。

亦有人指見到上司鞋底磨平晒都仲繼續著，即刻心諗自己唔想第時都變到好似佢咁。不過亦有留言認為小題大做：「唔通老細收工食鮑魚又話你知咩？」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

50歲女董事長下嫁25歲打工仔引熱議！婆媳合照如姊妹！網友：阿姨我不想努力了

30 Apr 2021

內地一間婚慶公司喺網上分享咗一啲婚禮影片，片中新娘同新郎相差25年，但兩人喺婚禮上互動甜蜜，被問到會唔會同老婆白頭到老，新郎更高喊「我願意」。片段引起網民熱議。

Photo from 微博

近日內地網上流傳部分婚禮現場影片，片段好快就獲得幾十萬讚好同評論，喺網上掀起話題。原來片中嘅新娘50歲，係嚟自山西嘅一名董事長，佢為愛遠嫁唐山。

Photo from 微博

呢位女董事長嘅結婚對象係一名25歲嘅年輕人，仲係公司嘅一名打工仔，新郎新娘無論係年齡、人生閱歷、收入、社會地位都有住唔細嘅差距。

Photo from 微博

據知兩人最初以姊弟相稱，點知相處之下卻產生情愫，發展出一段忘年戀！新娘指老公為人熱情真誠、憨厚老實，無懼世俗目光決意下嫁。

Photo from 微博

Photo from 微博

喺婚禮上，兩人互動甜蜜，彼此眼神中都充滿愛意，新郎表示老婆好識照顧人，被問到願唔願意同新娘共赴白頭，新郎拎住支mic大嗌：「我願意！」

Photo from 微博

新郎嘅父母都表示非常滿意新抱，指新娘好有本事，感歎自己個仔娶到佢係一件光宗耀祖嘅事。婚禮期間，奶奶亦早早出門迎接新抱，據知佢年齡比新娘仲細2歲，但兩人關係好好，不時深情相擁，婆媳合照好似姊妹咁！

Photo from 微博

Photo from 微博

有網民即表示：「阿姨我不想努力了」、「不想再奮鬥」，亦有女網友指以後路過幼稚園都唔敢太大聲，怕阻住未來老公學習。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）