download HolidaySmart 假期日常 app
爸爸欠債媽媽賣樓救全家 子女揭父出軌「應否踢爆?」網民:同老豆私了!

爸爸欠債媽媽賣樓救全家 子女揭父出軌「應否踢爆?」網民:同老豆私了!

生活熱話
By Cheryl on 23 Jun 2021
Digital Editor

許多家庭都經歷過風風雨雨才苦盡甘來,但之後能否一起幸福到最後就係另一回事。最近,有網民上網發文表示,爸爸曾負債纍纍,但媽媽都不離不棄,更賣樓救家。當生活改善後, 竟發現爸爸出軌,令事主煩惱應否踢爆老豆不忠,卻又擔心會傷害媽媽。

向西聞記 NetflixPhoto from 向西聞記 Netflix

近日,一名網民於連登討論區發帖文,指爸爸早年生意失敗致負債纍纍,但媽媽仍堅守崗位,獨力養家,出盡辦法幫佢渡過難關,包括問親戚借錢、賣樓,之後更打本畀爸爸做小生意。

TVB截圖Photo from TVB截圖

向西聞記 NetflixPhoto from 向西聞記 Netflix

直至近年,事主爸爸開始賺到錢,令媽媽生活有改善。正當事主以為一天都光曬時,卻意外發現爸爸有外遇「無意間係佢電話見到佢同嗰個女人嘅對話,豬豬前豬豬後」。

愛回家之開心速遞 TVBPhoto from 愛回家之開心速遞 TVB

事主對爸爸感到既失望又憤怒,好想譴責佢不忠,但一諗到媽媽將要承受嘅痛苦便感到害怕,「我宜家唔敢話比我媽知... 究竟我應唔應該踢爆佢?」

向西聞記 NetflixPhoto from 向西聞記 Netflix

有網民了解事件後,表示喺感情關係中,一係永遠唔好畀對方知道出軌,因為真相曝光後必定令關係無法回頭。

逆天奇案 TVBPhoto from 逆天奇案 TVB

香港討論區Photo from 香港討論區

有唔少網民都建議事主先唔好向媽媽揭發事件,認為佢已捱過太多苦,佢哋指事主可以先同爸爸私下商討,向佢發最後通牒,「你爸爸如果係緊張頭家應該會識做」、「如果你老豆肯洗心革面改過既話,大家就永遠唔好再提呢件事,咁樣做對媽媽同對頭家既傷害都係最少」。

香港討論區Photo from 香港討論區

亦有網民附和,表示應該私下鬧爆老豆,要佢喺家庭同二奶間二選一。另有人建議,私下傾完,爸爸都唔改過嘅話就同媽媽搬走,並只供養媽媽一人。最後,事主雖未有表明將採取邊種解決方法,但佢被網民感動,並感謝提供意見嘅各位。

香港愛情故事 TVBPhoto from 香港愛情故事 TVB

香港討論區Photo from 香港討論區

香港討論區Photo from 香港討論區

香港討論區Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel