蔡一鳳赤柱7000呎海景豪宅曝光！7外傭集體辭職否認係最難頂僱主

前亞視高層盛品儒老婆蔡一鳳（Michelle）早前因為家中7位外傭、司機先後離職而成為城中熱話，當時有網民質疑係因為蔡一鳳太難相處，《東張西望》利穎怡訪問到本人，蔡一鳳否認自己難頂，更公開位於赤柱7000呎獨立屋。

Photo from 蔡一鳳Facebook

蔡一鳳身為城中名媛，與盛品儒結婚後誕下一對龍鳳胎。為照顧一對仔女，佢聘請咗6位外傭姐姐同2位司機。不過日前有6位外傭姐姐同1位司機喺一個月內集體離職，令唔少網民質疑係蔡一鳳為人難相處，更封佢為「最難頂僱主」。

Photo from TVB

《東張西望》利穎怡去到蔡一鳳位於赤柱7000呎豪宅採訪，蔡一鳳堅決否認佢苛待外傭，更公開豪宅內部！

Photo from TVB

客廳坐擁無敵大海景，樓底都幾高，行樓梯上半層就係飯廳。

Photo from TVB

Photo from TVB

Photo from TVB

BB房都正對大海，除咗兩張BB床外，仲有3張床畀外傭姐姐陪住佢一對仔女瞓覺。兒童遊樂室空間極大！相當於一般小型單位嘅面積。

Photo from TVB

Photo from TVB

Photo from TVB

蔡一鳳為自己平反，佢帶主持利穎怡參觀外傭食飯同休息嘅地方，首先係廚房，佢指外傭姐姐會3個3個咁分批喺廚房內嘅大理石枱食飯，廚房設有兩個凍房，當佢同丈夫出外應酬時，外傭就可以自己喺凍房取新鮮蔬果、凍肉等食材烹調。

Photo from TVB

Photo from TVB

Photo from TVB

之後佢又公開家傭房，房間設有碌架床，上下共6個床位，佢指佢為每位傭人提供私家枕頭套、被袋。而且有布簾畀到佢哋私人空間、亦有組合櫃等佢哋可以擺自己私人物品，房間內都有冷氣提供。

Photo from TVB

Photo from TVB

蔡一鳳指外傭集體辭職係起源自4月其中一位外傭有重大失誤，將未剪碎牛肉餵畀佢仔仔食，令仔仔嘔咗8次；之後又有另一位外傭「博炒」，唔止用西瓜刨刮花佢家中價值幾十萬嘅銀器，更私自收埋蔡一鳳一隻5卡戒指，想喺離職時帶走！不過呢件事最終證據不足結案。

Photo from TVB

蔡一鳳表示5位屬同一間中介公司嘅外傭向她集體辭職，佢懷疑係中介公司利誘外傭姐姐一齊走人。蔡一鳳更哽咽表示：「點解佢哋無感情㗎！」，佢又指如果自己真係苛待外傭，大可以只請兩個姐姐做晒所有工作，何必聘請6位外傭分擔家務等佢哋無咁攰。

Photo from TVB

蔡一鳳透露依家請咗兩位本地保姆照顧仔女：「呢兩日受氣少了。陪兒女時間長了，整個人好實在。」，又表示仔女一直都好黏媽咪。

Photo from 蔡一鳳Facebook

佢又公開咗家中同外傭交談嘅片段，不過唔少英文留言就反駁佢指無人會想為一個態度差嘅人工作。亦有網民認為佢間屋有7,000呎咁大，但外傭房就勁逼：「咁大間屋, 好心唔好俾工人住咁逼啦」

Photo from 蔡一鳳Facebook

Photo from 蔡一鳳Facebook

Photo from 蔡一鳳Facebook

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

裕美送鑽石鏈畀林作家外傭做生日禮物！網民嘲做戲：點解送嘢畀人要拍片嘅？

30 Sep 2020

林作同裕美拍拖以嚟風波不斷，先有林作護花踩舊愛麥明詩，後又有林作媽媽不滿裕美。日前林作公開片段，女友裕美送真鑽石兼18k金頸鏈畀林家工人做禮物，被網民指「做show」：「唔明點解送嘢畀人要拍片嘅？」

林作同裕美兩人負面新聞多多，之前一齊出席港姐決賽時同場仲有林作舊愛麥明詩，林作為護花指女朋友裕美嘅樣貌、身材都比前度麥明詩更優勝，被狠批無品。

Photo from 麥明詩IG

之後林作與母親接受訪問時透露媽媽唔係好滿意女友裕美，林作母親更暗示想阿仔同麥明詩復合。

Photo from 林作Facebook

風波不斷，不過麥明詩懶理，由始至終都無回應過有關事件。

雖然兩人戀情不受家長認同，但林作喺社交網站公開一段片，片中女友裕美知道林作屋企外傭Mary生日，送咗條鏈畀對方。

Photo from 林作Facebook

林作指：「我工人生日，佢送條真鑽石加18k金頸鏈俾佢。有錢就係任性。而我，由於整車財政問題，咩都俾唔到我工人。我媽媽則因孤寒問題同樣沒有表示。」

片段中裕美同林作都有講到明條鏈係真：「real diamond real gold」

Photo from 林作Facebook

而Mary亦表現開心，舉晒大拇指。

Photo from 林作Facebook

不過就被網民嘲「做show」：「唔明點解送嘢畀人要拍片嘅????」、「轉頭收返條頸鏈」、「工人又被利用」、「送條鏈比工人有咩特別 送層樓先值得拍片?」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）