TVB《死因有可疑》用疑犯身高「153」做破案關鍵！曾志偉玩公主濾鏡拍片自嘲「睡到後天」 網民：係193粉絲？！

曾志偉自成為TVB副總經理後工作繁忙，但佢仍經常拍攝搞笑短片至社交網站。近日，佢跟風玩近期大熱嘅「迪士尼公主濾鏡」，更玩食字笑話，同時表示想「睡到後天」。繼早前TVB於節目《死因有可疑》中不避嫌開「153」玩笑後，今次153本人上陣抽193水，將後者歌曲《睡到三點》「改名」，有網民問：「其實曾志偉係咪193粉絲？」

Photo from 曾志偉 微博

任職無綫副總經理嘅曾志偉平日除咗管理大台各項目外，也不忘抽空拍片畀粉絲觀賞。最近，佢於內地短片網上載影片，大玩近期流行嘅「迪士尼公主濾鏡」。濾鏡開啟後，志偉瞬間「返老還童」，雙眼變成卡通人物般巨大、眉毛顯眼了不少、嘴唇亦變紅。佢嘅超短髮公主樣配臃腫身形令畫面充滿違和感。

Photo from 曾志偉 影片截圖

喺另一片段中，曾志偉扮病食藥，朋友用普通話告知佢「藥效持續一整天」，志偉卻將「藥效」嘅普通話聽成其諧音「要笑」，誤會友人表示「要笑一整天」，佢知道聽錯後捧腹大笑。

Photo from 曾志偉 影片截圖

除此以外，曾志偉透露忙碌嘅工作行程令佢身心俱疲，笑言：「這麼多工作安排明天，算了，人生還不是一個『拚』字，，拚吧…就拚命睡，睡到後天！」又表示自己成日捱夜，做TVB高層真係唔容易。

Photo from 曾志偉 影片截圖

曾志偉於影片中提及要「睡到後天」，令不少網民諗起搞笑組合ERROR成員193嘅單曲《睡到三點》，認為「153」曾志偉有抽水之嫌。

Photo from 郭嘉駿193 IG

其實，早前已有同類事件，用嚟對撼ViuTV《嫌疑事件簿》嘅TVB節目《死因有可疑》中，曾安排志偉新花名「153」成為破案關鍵。節目中， 藝人何廣沛利用門後牆尺提供嘅「身高」線索，加上早前發現嘅曾志偉照片，猜出密碼係「153」。

Photo from 死因有可疑 TVB

兩次事件中，可見TVB及曾志偉有意與ViuTV及193多作「隔空交流」。有網民認為，睇嚟曾志偉對友台及193嘅動態同言論都相當感興趣，可能因此經常有意無意地回應對方，「唔知曾志偉暗地裡係咪193 fans呢?」

Photo from TVB娛樂新聞台 截圖

Photo from 郭嘉駿193 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）