馬哥孛羅香港酒店Staycation優惠！人均$910免費升級至豪華客房包自助早晚餐+延遲退房！

By Ella on 24 Jun 2021

Digital Content Writer

馬哥孛羅香港酒店推出超抵Staycation優惠，人均$910有得免費升級客房，包埋2餐自助餐，仲可以延遲退房！最快7月就可以入住，即刻睇吓優惠詳情！

位於尖沙咀廣東道嘅馬哥孛羅香港酒店推出激筍嘅夏季Staycation優惠，最快7月1日就可以入住，優惠去到8月31日，暑假就唔怕冇節目啦！最正嘅係今次呢個夏季住宿優惠仲包2餐自助餐，可以免費享用雙人自助早餐之外，仲包埋雙人自助晚餐，二人入住只需HKD 1,820，即係人均$910，鍾意食自助餐嘅朋友又點可以錯過啊！另外，仲可以免費升級客房，又有得延遲退房至下午3點，簡直可以玩盡佢啊！

Photo from marcopolohongkong@IG

今次呢個優惠可以由高級客房升級至標準樓層嘅豪華客房，酒店嘅豪華客房走低調典雅路線，空間寬敞，設備一應俱全。有得保證延遲退房至下午3時，咁就唔怕趕唔切，唔使咁早起身，可以瞓晏啲！

Photo from 馬哥孛羅香港酒店

餐飲方面，優惠包括雙人自助晚餐，住客可以於馬哥孛羅咖啡廳免費享用雙人自助晚餐，歎盡各式豪華海鮮，包括龍蝦、生蠔，仲有其他國際美食及琳瑯滿目嘅甜品。瞓返覺好嘅之後第二日早上仲可以歎埋個靚靚自助早餐，食飽之後又可以返上房繼續休息到3點先退房，正啊！

Photo from marcopolohongkong@IG

如果想間房可以望到海景，咁就可以選擇豪華客房方案。豪華客房方案優惠可以將客房升級至標準樓層嘅豪華海景客房，豪華海景客房可欣賞到維多利亞海港景色，可以望住靚景休息，真係一大樂事！

Photo from marcopolohongkong@IG

而呢個方案同樣包雙人自助早、晚餐，保證延遲退房至下午3點，二人入住HKD 1,950，人均$975，唔使一千蚊就可以食足兩餐自助餐、住海景房，真係超級筍！

Photo from marcopolohongkong@IG

馬哥孛羅香港酒店嘅夏季Staycation優惠最快7月1日就可以入住，優惠去到8月31日，有興趣嘅朋友快啲上網預訂啦！

馬哥孛羅香港酒店Staycation優惠（按此預訂）
【Foodie Stay 高級客房升級】（升級至標準樓層豪華客房+免費雙人自助早、晚餐+保證延遲退房至下午3時）
價錢：二人入住HKD 1,820（人均$910）
入住日期：2021年7月1日至8月31日
入住時間：15:00
退房時間：15:00
*4歲至11歲兒童入住需訂購雙人加一床（含餐食）：HKD 2,450

【Foodie Stay 豪華客房升級】（升級至標準樓層豪華海景客房+免費雙人自助早、晚餐+保證延遲退房至下午3時）
價錢：二人入住HKD 1,950（人均$975）
入住日期：2021年7月1日至8月31日
入住時間：15:00
退房時間：15:00
*4歲至11歲兒童入住需訂購雙人加一床（含餐食）：HKD 2,550