download HolidaySmart 假期日常 app
港女30歲妹妹食飯次次都「黐餐」  被迫請客 仲帶埋男友媽咪一齊出席!

港女30歲妹妹食飯次次都「黐餐」 被迫請客 仲帶埋男友媽咪一齊出席!

生活熱話
By Stephanie on 24 Jun 2021
Digital Content Writer

成日聽人講「一家人何必斤斤計較」,認為大家都係家人唔需要分得咁清楚!近日,有位人妻就喺討論區大呻妹妹經常恃住自己係家裡年紀最細嘅,喺家庭聚會時從來冇試過俾錢,仲過分到會帶埋男友同男友媽咪嚟「黐餐」,令佢十分煩惱!

TVBPhoto from TVB

家人間應該要互相包容,呢啲都係大家自細就聽到嘅話,不過有啲人就會恃住有呢句說話而做出過份嘅行為。日前,有位人妻就喺討論區表示已經30幾歲並且出來工作多年嘅妹妹,經常恃住自己係家中年紀最細,出席家庭聚會時總係奉旨唔畀錢!

親子王國討論區Photo from 親子王國討論區

人妻表示佢哋屋企每個月都會出街食一兩次飯,但就每一次都係由佢同老公俾錢,妹妹從來都冇主動話過要請家人食飯!而且妹妹仲會經常提議去高級餐廳食自助餐等貴價嘅食品,最過分嘅就係妹妹仲會帶埋男友同男友媽咪一齊過嚟「黐餐」!

TVBPhoto from TVB

人妻就話其實佢以前都唔介意由佢俾錢請家人食飯,覺得妹妹仲細,應該好好儲下錢。不過隨住佢而家生咗小朋友,經濟負擔變得越來越大,但妹妹都完全冇體諒佢嘅處境。

TVBPhoto from TVB

妹妹唯一會做嘅就係每年人妻生日時,都會為佢買個蛋糕去餐廳同佢慶祝。仲話叫妹妹請食一次飯就好似攞佢命咁,經常都同佢呻話自己有幾窮,要儲錢結婚買樓生仔,然而妹妹又並非真係好節儉,偶爾都會買下名牌袋咁,令人妻感到十分無奈,忍唔住問網民係咪屋企最細嘅多數都唔會俾錢?!

TVBPhoto from TVB

唔少網民都認為妹妹太唔識做,亦有好多網民紛紛留言講述自己同樣嘅經歷,大吐苦水!另外,有網民就提議人妻應該向妹妹講清楚,輪流負責俾錢或者講明要夾錢先可以預防有走數嘅情況出現;但亦有少部分嘅網民認為既然係一家人就無謂計較咁多。

親子王國討論區Photo from 親子王國討論區

親子王國討論區Photo from 親子王國討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel